UBT qalady! Bilim ministrligi joǵarǵy oqý oryndaryna túsý úshin ulttyq biryńǵai testileýden bas tartýdy josparlap otyrǵan joq. Sondyqtan 11-shi synyp bitiretin oqýshylar ýniversitetke túsý úshin ádettegidei testileýden ótetin boldy. Bul týraly KTK arnasy habarlady.
Bilim ministrligi mundai málimdemeni beker jasap otyrǵan joq. Óitkeni el ishinde birneshe kúnnen beri joǵarǵy oqý oryndaryna túsý úshin testileýden ótýdiń qajeti joq aqparat tarap ketken. Vedomstvo bul málimetti joqqa shyǵaryp otyr. Tek testileý týraly sertifikattyń kolledjdi tańdaǵan talapkerlerge keregi joq eken. Bul ózgerister byltyr qabyldanypty. Soǵan sai mektep bitirýshiler testileýdiń eki kezeńinen ótedi. Birinshi jaǵdaida oqýshy emtihan tapsyryp,sonyń qortyndysy boiynsha attestat alady. Ári qarai ýniversitetke túsý úshin synaq tapsyrý-tapsyrmaýdy ózi sheshedi. Iaǵni kolledjge túsýdi qalasa, ulttyq biryńǵai testileýden ótýdiń qajeti joq.
