Memlekettik attestattaýdan mektepke deiingi bilim berý uiymdarynyń 78 paiyzy óte almady. Bul týraly QR BǴM Bilim jáne ǵylym salasynda sapany qamtamasyz etý komitetiniń tóraǵasy Gúlzat Kóbenova aitty, dep habarlaidy QazAqparat.
«Mektepke deiingi uiymdarda 2011 jyldan bastap litsenziialaý júrgizilmeidi. Biraq, 2012 jyldan bastap memlekettik attestattaý júrgiziledi. Búgingi kúni memlekettik attestattaý 81 mektepke deiingi uiymda ótkizý josparlanyp otyr. Memlekettik attestattaý jańa formatynyń erekshiligi – bilim berý uiymyna barmai 5 jylda bir ret ózin ózi baǵalaý negizinde ótkizý», - dedi ol ministrliktiń apparat jinalysynda.
Onyń aitýynsha, búgingi kúni 81 mektepke deiingi uiymnyń 77-sinde memlekettik attestattaý júrgizildi. Biraq, 78 paiyzy attestatsiiadan ótpedi. Attestattalmaǵan mektepke deiingi bilim berý uiymdarynyń basym bóligi Almaty, Atyraý, Solústik Qazaqstan oblystarynda ornalasqan.
«Memlekettik attestattaý materialyn taldaý mektepke deiingi uiymdardyń memlekettik jalpyǵa mindetti standart talaptaryn buzatyndyǵyn kórsetip otyr. SNYŃ ishinde baǵdarlamalardyi gerý kezinde jas erekshelikterin, oqý sabaqtarynyń uzaqtyǵyn saqtamaý, toptardyń eń tómengi materialdyq-tehnikalyq bazasy men oqý-ádistemelik jabdyqtalýynyń sáikesssizdigi, erekshe bilim berýge qajettiligi bar balalar úshin jaǵdai jasamaý bar», - dedi komitet tóraǵasy.
Gúlzat Kóbenovanyń atap ótýinshe, mektepke deiingi bilim berý uiymdaryndaǵy qyzmetterge ata-analardyń qanaǵattaný deńgeiin anyqtaý úshin saýalnama júrgizilgen.
«Saýalnalardy aldyn ala taldaý mektepke deiingi mekemelerde densaýlyq saqtaýdyń qarapaiym daǵdylaryn tisti deńgeide úiretpeitindigin kórsetti. Mysaly, Túrkistan oblysynda, Almaty, Soltústik Qazaqstan oblystarynda tárbieshiler balalardy gigienalyq protsedýralardy óz betinshe oryndaýǵa, qaýipsizdik erekshelerin saqtaýǵa úiretpeidi. Mektep aldyndaǵy balalardyń tanymdyq daǵdylaryn damytýda da problemalar anyqtaldy. Atap aitar bolsaq, Aqmola, Pavlodar, Túrkistan oblystarynda balalardyń 16 paiyzy oqýǵa qyzyǵýshylyq tanytpaidy. Balalar qalam ustai almaidy, sýret sala almaidy. Qyzylorda, Batys Qazaqstan oblystarynda balalardyń 13 paiyzynda ýaqyt siiaqty qarapaiym matematikalyq uǵym týraly túsinik qalyptaspaǵan. Aqtóbe, Túrkistan, Shyǵys Qazaqstan oblystarynda balalardyń 6 paiyzynda konstrýktivti daǵdylar joq, iaǵni toppen júmys istei almaidy. Qostanai, Mańǵystaý oblystarynda, Nur-Sultan qalalalarynda balalardyń 4 paiyzy ana tilindegi dybystardy durys aita almaidy. Sonymen qatar Aqmola, Qyzylorda oblystarynyń jáne Shymkent qalasynyń ata-analary mektepke deiingi bilim berý sapasyna qanaǵattanbaityndyǵyn atap ótti. Al Atyraý oblysynda ata-analardyń ornyna saýalnamany balabaqsha ákimshiliginiń toltyrýy anyqtaldy», - dedi komitet tóraǵasy.
