QR Bilim jáne ǵylym ministri Kúlásh Shámshidinova Aqmola oblysynda bilim ordalaryn aralap, Shoqan Ýálihanov atyndaǵy Kókshetaý memlekettik ýniversitetinde pedagogtarmen jáne stýdenttermen kezdesti, dep habarlaidy "Ult aqparat".
Sapar barysynda JOO stýdentteri ministrdi «Uly dalanyń jeti qyry» taqyrybymen uiymdastyrylǵan kórmeniń maqsattarymen tanystyrdy.
K.Shámshidinova sondai-aq IaMR spektroskopiia zerthanasynda boldy. Onda ǵalymdar iadrolyq magnittik rezonanstyq qubylysty paidalana otyryp, spektroskopiialyq ádispen himiialyq obektilerdi zertteidi.
Úkimet músheleri, sonymen qatar meditsina fakýltetiniń simýliatsiialyq ortalyǵynyń, halyqaralyq baǵdarlamalar ortalyǵynyń jáne meditsinalyq tehnologiialardyń 3D laboratoriiasynyń jumysymen tanysty. Onda dárister aǵylshyn tilinde júrgiziledi.
Ýniversitet ujymymen, bilim alýshylarmen kezdesý barysynda ministr bilim sapasyn arttyrýdaǵy basymdy baǵyttarǵa toqtaldy. Sondai-aq, oqý aǵartý salasyndaǵy tyń ózgerister men aldaǵy ýaqytta ministrlik tarapynan atqarylatyn aýqymdy jumystar josparyn tilge tiek etti.
Sharaǵa qatysqan ýniversitet ustazdary men stýdent-jastar ózderin tolǵandyryp júrgen máseleler boiynsha saýaldaryn qoiyp, olarǵa naqty da tushymdy jaýaptar aldy.
Ýniversitet professory Báriia Badyqqyzy bilim salasyndaǵy búgingi túitkildi meseleler men olqylyqtarǵa toqtalyp, olardyń bolashaqta oń sheshim tabatynyna úmit bildirdi.
Óz kezeginde Bilim ministri Shoqan Ýálihanov ýniversitetiniń rektory Marat Syrlybaevtyń rektorlyq qyzmetine sáttilik, ustazdar qaýymyna shyǵarmashylyq tabys, al stýdent-jastarǵa elmizdiń damyp-órkendeýine óz úlesterin qosatyn bilimdi de bilikti maman bolýlaryna tilektestik bildirdi.
Eske salaiyq, QR Premer-Ministriniń orynbasary Gúlshara Ábdiqalyqova bastaǵan Úkimet músheleri osy kúnderi jumys saparymen Aqmola óńirinde júr.
Olar az qamtylǵan jáne kópbalaly otbasylarymen kezdesip, olarǵa qoldaý sharalary jóninde keńinen túsindirýde.
