قر بٸلٸم جەنە عىلىم مينيسترٸ كٷلەش شەمشيدينوۆا اقمولا وبلىسىندا بٸلٸم وردالارىن ارالاپ, شوقان ۋەليحانوۆ اتىنداعى كٶكشەتاۋ مەملەكەتتٸك ۋنيۆەرسيتەتٸندە پەداگوگتارمەن جەنە ستۋدەنتتەرمەن كەزدەستٸ, دەپ حابارلايدى "ۇلت اقپارات".
ساپار بارىسىندا جوو ستۋدەنتتەرٸ مينيستردٸ «ۇلى دالانىڭ جەتٸ قىرى» تاقىرىبىمەن ۇيىمداستىرىلعان كٶرمەنٸڭ ماقساتتارىمەن تانىستىردى.
ك.شەمشيدينوۆا سونداي-اق يامر سپەكتروسكوپييا زەرتحاناسىندا بولدى. وندا عالىمدار يادرولىق ماگنيتتٸك رەزونانستىق قۇبىلىستى پايدالانا وتىرىپ, سپەكتروسكوپييالىق ەدٸسپەن حيمييالىق وبەكتٸلەردٸ زەرتتەيدٸ.
ٷكٸمەت مٷشەلەرٸ, سونىمەن قاتار مەديتسينا فاكۋلتەتٸنٸڭ سيمۋلياتسييالىق ورتالىعىنىڭ, حالىقارالىق باعدارلامالار ورتالىعىنىڭ جەنە مەديتسينالىق تەحنولوگييالاردىڭ 3D لابوراتوريياسىنىڭ جۇمىسىمەن تانىستى. وندا دەرٸستەر اعىلشىن تٸلٸندە جٷرگٸزٸلەدٸ.
ۋنيۆەرسيتەت ۇجىمىمەن, بٸلٸم الۋشىلارمەن كەزدەسۋ بارىسىندا مينيستر بٸلٸم ساپاسىن ارتتىرۋداعى باسىمدى باعىتتارعا توقتالدى. سونداي-اق, وقۋ اعارتۋ سالاسىنداعى تىڭ ٶزگەرٸستەر مەن الداعى ۋاقىتتا مينيسترلٸك تاراپىنان اتقارىلاتىن اۋقىمدى جۇمىستار جوسپارىن تٸلگە تيەك ەتتٸ.
شاراعا قاتىسقان ۋنيۆەرسيتەت ۇستازدارى مەن ستۋدەنت-جاستار ٶزدەرٸن تولعاندىرىپ جٷرگەن مەسەلەلەر بويىنشا ساۋالدارىن قويىپ, ولارعا ناقتى دا تۇشىمدى جاۋاپتار الدى.
ۋنيۆەرسيتەت پروفەسسورى بەرييا بادىققىزى بٸلٸم سالاسىنداعى بٷگٸنگٸ تٷيتكٸلدٸ مەسەلەلەر مەن ولقىلىقتارعا توقتالىپ, ولاردىڭ بولاشاقتا وڭ شەشٸم تاباتىنىنا ٷمٸت بٸلدٸردٸ.
ٶز كەزەگٸندە بٸلٸم مينيسترٸ شوقان ۋەليحانوۆ ۋنيۆەرسيتەتٸنٸڭ رەكتورى مارات سىرلىباەۆتىڭ رەكتورلىق قىزمەتٸنە سەتتٸلٸك, ۇستازدار قاۋىمىنا شىعارماشىلىق تابىس, ال ستۋدەنت-جاستارعا ەلمٸزدٸڭ دامىپ-ٶركەندەۋٸنە ٶز ٷلەستەرٸن قوساتىن بٸلٸمدٸ دە بٸلٸكتٸ مامان بولۋلارىنا تٸلەكتەستٸك بٸلدٸردٸ.
ەسكە سالايىق, قر پرەمەر-مينيسترٸنٸڭ ورىنباسارى گٷلشارا ەبدٸقالىقوۆا باستاعان ٷكٸمەت مٷشەلەرٸ وسى كٷندەرٸ جۇمىس ساپارىمەن اقمولا ٶڭٸرٸندە جٷر.
ولار از قامتىلعان جەنە كٶپبالالى وتباسىلارىمەن كەزدەسٸپ, ولارعا قولداۋ شارالارى جٶنٸندە كەڭٸنەن تٷسٸندٸرۋدە.
