QR Bilim jáne ǵylym ministrligi UBT tapsyrý úrdisin avtomattandyrý barysynda jaqsy nátijelerge qol jetkizdi.
Bul týraly óziniń Facebook paraqshasynda QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jazdy, dep habarlaidy "Ult aqparat".
«Máselen, jeke tulǵany sáikestendirý jobasyna sai júie saraptama jasap, talapkerlerdi kezdeisoq oryndar boiynsha ornalastyrady, iaǵni verifikatsiiaǵa deiin emtihanda kimniń qai jerde otyratyny beimálim. Onyń ústine jiti baqylaý protsedýrasy arqyly testileýdiń barynsha ashyq jáne ádil ótýi qamtamasyz etilgen. Osyndai júieni biyl sáýir aiynda biz Almatynyń avtoHQKO-larynda engizdik. Pilottyq joba birden oń nátije kórsetti – test tapsyrýǵa tilek bildirýshilerdiń sany eki esege kemip, al synaqtan úmitkerlerdiń tek 35,6 paiyzy ǵana ótken bolatyn. Buǵan deiin naýryz aiynda bul kórsetkish 44,2 paiyzdy quraǵan edi. Sondyqtan biz aldaǵy ýaqytta bul jobanyń aiasyn keńeitip, eldiń kúlli aimaǵynda engizýdi josparlap otyrmyz», - dedi ministr.
