Bilim jáne ǵylym ministrligi jańa oqý jyly qashyqtan oqý formatynda bolatyny týraly aqparatty joqqa shyǵardy, - dep habarlaidy "Ult aqparat".
Vedomstvo baspasóz qyzmeti málimetinshe, "bilim jáne ǵylym ministri Ashat Aimaǵambetov brifingte jańa oqý jylynyń birinshi toqsany qashyqtan bastalatynyn aitty" degen aqparat áleýmettik jeliler men messendjerlerde taraǵan.
"Bul aqparat jalǵan. Bilim jáne ǵylym ministri Ashat Aimaǵambetov brifingte mundai málimdeme jasaǵan joq. Oqytý formaty týraly sheshimdi koronavirýs infektsiiasynyń taralýyna jol bermeý jónindegi vedomstvoaralyq komissiia, eldiń bas memlekettik sanitariia dárigeri jáne óńirlerdiń bas sanitariia dárigerleri qabyldaidy", - dedi BǴM ókilderi.
