QR Bilim jáne ǵylym ministrligi ǵylymi jetekshilerdi irikteý kriteriilerin ózgertý boiynsha depýtattardyń usynysyn qarastyrady, dep habarlaidy QazAqparat.
«Qazaqstan Respýblikasy Bilim jáne ǵylym ministrligi (budan ári - Ministrlik) Sizdiń 2020 -2022 jyldarǵa arnalǵan ǵylymi jáne (nemese) ǵylymi-tehnikalyq jobalar boiynsha granttyq qarjylandyrýǵa arnalǵan konkýrstyq qujattamada ǵylymi jetekshilerge qoiylatyn talaptarǵa qatysty ótinishińizdi qarap, kelesini habarlaidy. «Ǵylym týraly» Zańnyń 17-babynyń 2-tarmaǵyna sáikes ǵylymi jáne (nemese) ǵylymi-tehnikalyq qyzmetti basqarý ǵylymi, ǵylymi-tehnikalyq jáne innovatsiialyq qyzmet sýbektilerin memlekettik qoldaýdyń ekonomikalyq tiimdiligi men nátijeliligi qaǵidattaryna negizdeledi», - dep jazdy QR Bilim jáne ǵylym vitse-ministri Miras Daýlenov depýtattyq saýalǵa.
Osyǵan bailanysty, onyń aitýynsha Ministrlik óz quzyreti sheńberinde granttyq jáne baǵdarlamalyq-nysanaly qarjylandyrý sheńberinde iske asyrylǵan ǵylymi zertteýlerdi taldaý nátijelerin eskere otyryp, granttyq qarjylandyrý jobalarynyń ǵylymi jetekshilerine qoiylatyn talaptardy kúsheitken.
«Sondai -aq Qazaqstan Respýblikasynda bilim berýdi jáne ǵylymdy damytýdyń 2020 -2025 jyldarǵa arnalǵan memlekettik baǵdarlamasynda negizgi nysanaly indikator retinde Web of Science (Clarivate Analytics) jáne Scopus (Elsevier) platformasyndaǵy aqparattyq resýrstardyń derekteri boiynsha reitingtik basylymdarda jariialanymdar paidalanylady. Otandyq ǵalymdardyń halyqaralyq jýrnaldardaǵy jariialanym belsendiligi joǵaryda atalǵan indikatorǵa qol jetkizý jáne elimizdiń jetekshi álemdik reitingterdegi ornyn anyqtaý úshin qajet. Bul rette, 2020 jylǵy 27 mamyrdaǵy Ulttyq qoǵamdyq senim keńesiniń otyrysy barysynda Memleket basshysy el ekonomikasynyń naqty sektorynyń qajettilikterine baǵyttalǵan ǵylymi jumystar men zertteýlerdi qarjylandyrý maqsatynda áleýmettik-ekonomikalyq, óndiristik jáne tehnikalyq qaitarymy bar árbir ǵylymi jobadan naqty nátijelerge qol jetkizý qajettigin atap ótti», - dep jazdy vitse-ministr.
«Sonymen birge, Sizderdiń usynystaryńyz 2021-2023 jyldarǵa arnalǵan ǵylymi jáne (nemese) ǵylymi-tehnikalyq jobalar boiynsha granttyq qarjylandyrýǵa arnalǵan aldaǵy konkýrsqa konkýrstyq qujattamany ázirleý kezinde qarastyrylatynyn habarlaimyz», - dedi ol.
Buǵan deiin Parlament Májilisiniń depýtattary Bilim jáne ǵylym ministriniń atyna saýal joldaǵan bolatyn, onda birqatar baǵyttar boiynsha ǵylymi jetekshilerdi irikteý kriteriilerin kúsheitý usynyldy. Avtory: Azamat Syzdyqbaev
