Búgingi tańda birinshi synypqa qabyldaý úshin 310 myńnan astam ótinish tústi. Qujattardy qabyldaý 1 sáýirde bastalyp, 1 tamyzǵa deiin jalǵasady, dep habarlaidy QR Bilim jáne ǵylym ministrliginiń baspasóz qyzmeti.
Bul merzim bolashaq oqýshylardyń ata-analary mektepti aldyn-ala anyqtap, qajet qujattardy ýaqytyly tapsyryp, balalardy oqý quraldarymen qamtamasyz etýi úshin berildi. Al mektep ákimshiligi synyptardy aldyn ala jinaqtaý, oqýlyqtardyń qajetti kólemin satyp alý, muǵalimder arasynda saǵattardy bólý jáne synyptar sanyna bailanysty pedagogter quramyn anyqtaý boiynsha jumystardy atqaratyn bolady. Osyǵan bailanysty ministrlik ótinishterdi ýaqytyly berýdiń mańyzdylyǵyn eske salady.
«Biz qujattardy qabyldaý merzimin uzarttyq. Endi qujattardy qabyldaý 4 aiǵa sozylady. Bul ata-analarǵa da, mektep ákimshilikterine de oqý protsesine daiyndyqty aldyn ala oilastyrýǵa múmkindik beredi. Sondai-aq 10 tamyzdan keiin mektepterde daiyndyq toby jumysyn bastaidy, oǵan ata-analardyń qalaýy boiynsha mektepke deiingi mekemelerge barmaǵan nemese mektepaldy daiarlyqtan ótpegen balalar bara alady», – dep atap ótti QR BǴM Mektepke deiingi jáne orta bilim komiteti tóraiymy Maira Meldebekova.
Ótinishterdi qabyldaý Egov.kz elektrondyq úkimet portaly arqyly elektrondyq formatta júrgiziledi. Mektepke qabyldaý úshin kelesi qujattardy usyný qajet: balanyń densaýlyq jaǵdaiy týraly qujattar (balanyń densaýlyq pasporty №026/ý-3, №063/ý nysany boiynsha meditsinalyq anyqtama); balanyń kólemi 3h4 sm tsifrlyq fotosýreti. Ótinish 1 jumys kúni ishinde qaralady.
«Qyzyl» aimaqqa engen óńirlerde turatyn ata-analar meditsinalyq anyqtamalardy oqý jylynyń bastalýyna deiin ala alady.
Vedomstvonyń boljamy boiynsha osy oqý jylynda birinshi synypqa 380 myńnan astam oqýshy barady.
