Álemdegi eń bai adam – Amazon kompaniiasynyń basshysy Djeff Bezos tarihta alǵash "bailyǵy 200 milliard dollardan asqan milliarder" atandy, dep habarlaidy Forbes jýrnaly.
Degenmen milliarder bul kórsetkishte uzaq tura almady. Sársenbi kúngi reiting boiynsha, onyń bailyǵy 199,7 milliard dollarǵa baǵalanǵan. Qalai desek te, mundai baǵalaýdyń ózi – Bezos úshin jańa rekord.
Bul jaǵdai Amazon aktsiialary qunynyń turaqty ósip otyrýyna bailanysty. Seisenbi kúni ol 1,18%-ǵa, iaǵni bir danasy 3346,49 dollarǵa deiin ósse, kompaniiany kapitaldandyrý 1,68 trillion dollarǵa deiin kóterilgen. Basylymnyń habarlaýynsha, Bezosqa Amazon aktsiialarynyń 11,1%-y tiesili jáne ol 2017 jyldan bastap Forbes-tyń eń bai adamdar reitingin bastap keledi.
Amazon – álemdegi eń iri onlain-satýshylardyń biri. AQSh-tan bólek, kompaniia Kanada, Qytai, Braziliia, Japoniia jáne Eýropa elderinde jumys isteidi. Amazon.com internet-dúkeni 1995 jyldyń shildesinde ashylǵan bolatyn.
