QR Aqparat jáne qoǵamdyq damý ministrligi tanymal jýrnalist Beisen Quranbek atyndaǵy «Jiger» syilyǵyn jariialady. Bul týraly "Ult aqparat" ministrliktiń telegram kanalyna silteme jasap habarlaidy.
Ulttyq syilyqtyń basty maqsaty - ardaqty azamat, elimizge belgili telejýrnalist Beisen Quranbektiń esimin máńgilikke saqtap qalý jáne talantty jas jýrnalisterdi taný, olardyń kásibi jaǵynan odan ári damýyna járdem berý.
Syilyq 4 nominatsiia boiynsha beriledi.
- Áleýmettik taqyryptaǵy úzdik TV siýjet;
- Áleýmettik taqyryptaǵy úzdik maqala;
- Áleýmettik taqyryptaǵy úzdik material (áleýmettik jeli);
- Áleýmettik taqyryptaǵy úzdik fotosýret.
Baiqaýǵa televiziia, baspa, internet jýrnalistikanyń jáne fotosýretshiler, jańa media (áleýmettik jeliler) salanyń kásibi jáne kásibi emes jas jýrnalisteri (18-35 jas aralyǵy) qatysyp, baǵyn synai alady.
Baiqaý úzdikterin arnaiy qurylǵan qazylar alqasynyń músheleri aiqyndaityn bolady. Qazylar alqasynyń quramyna elimizdiń media salasynyń damýyna eleýli úles qosqan tanymal media menedjerler, jýrnalister, qoǵam qairatkerleri kiredi.
«Jiger» syilyǵyna ótinish 2020 jyldyń 26 mamyr men 15 maýsym aralyǵynda mdq.kz saitynda qabyldanady. Syilyqqa qatysty tolyq aqparatty (qatysý erejesin) «Media damytý qory» korporativtik qorynyń resmi saitynan (mdq.kz) ala alasyz.
Sondai-aq, saltanatty marapattaý jýrnalisterdiń kásibi merekesi qarsańynda habarlanbaq.
Eske salsaq, 18 mamyrda belgili jýrnalist Beisen Quranbek 49 jasqa qaraǵan shaǵynda dúnieden ótti.
