QR Aqparat jáne qoǵamdyq damý ministrliginiń Azamattyq qoǵam isteri jónindegi komitetiniń tóraiymy Áliia Ǵalymova «QR-da beibit jiyndardy uiymdastyrý jáne ótkizý tártibi» týraly zań jobasyna sáikes mitingige shyǵatyn azamattardyń quqyǵy men mindeti qandai bolatynyn túsindirip berdi, dep habarlaidy QazAqparat.
«Birinshiden uiymdastyrýshynyń ózindik qoǵamdyq ustanymyn bildirip, beibit jiyn ótkizýge quqyǵy bar. Sonymen qatar uiymdastyrýshynyń beibit jiynǵa qatysýshylardyń aldyndaǵy óz mindettemeleri men jaýapkershiligi de qarastyrylǵan. Álbette bul turǵyda azamattardyń qaýipsizdigi úshin artylatyn jaýapkershilik týraly sóz bolyp otyr. Uiymdastyrýshy da, beibit jiynǵa qatysýshy da shekten shyǵyp ketpeýi kerek. Iaǵni olar konstitýtsiialyq qurylymdy qulatýǵa nemese basqa da zorlyq-zombylyqqa shaqyrmaýy tiis. Atalmysh zań jobasy beibit jiyndardy ótkizýdiń tártibin reglamentteidi», - dedi Áliia Ǵalymova elordada zań jobasynyń tujyrymy talqylanǵan jiyn aldynda tilshilerge.
Komitet basshysynyń aitýyna qaraǵanda qatysýshylardyń da, uiymdastyrýshylardyń da zań aldynda jaýapkershiligi birdei.
«Tirkelgen jaǵdaida árbir zańbuzýshylyqtyń deńgeiine bailanysty (...) Qandai da bir arnaiy shara týraly zań jobasynda eshteńe joq. Jaýapkershiliktiń bári de qoldanystaǵy ákimshilik zańnamamen retteledi», - dedi ol.
Áliia Ǵalymova kez kelgen beibit jiyn qoǵam ókilderi úshin kedergi bolmaýy kerektigin aityp ótti.
«Bul norma zań jobasynda qarastyrylǵan. Beibit jiyndarǵa qatyspaityn basqa da azamattardyń qaýipsizdigi qamtamasyz etilýi kerek. Atalmysh zań jobasynda quqyq qorǵaý organdarynyń áreketi týraly jazylmaǵan. Adamdardyń ómirine qaýip tóngen jaǵdaida quqyq qorǵaý organdary iske aralasa alady. Ondai jaǵdaida olar jiyndy toqtatady», - dedi Áliia Ǵalymova.
