2021 jyldyń 2 aiynda elimizde 15 807 páter paidalanýǵa berildi. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat tilshisi.
«Shekteý sharalary kólik salasyndaǵy naqty kólem indeksine teris áser etýde. 2021 jyly qańtar-aqpan ailarynda bul kórsetkish 80,9 paiyzdy qurady. Tranzittik konteinerlik tasymalda oń dinamika saqtaldy. Kórsetkish 156,5 myń jiyrma fýnttyq balamany qurady. Ósim 79 paiyz boldy. Kóliktiń barlyq túrimen júk tasymaldaý kólemi 0,55 mlrd tonna nemese ótken jyldyń sáikes kezeńimen salystyrǵanda 96,5 paiyz boldy», - dedi 2021 jyldyń qańtar-aqpanynda eldiń áleýmettik-ekonomikalyq damýy jaiynda baiandaǵan ministr.
Sonymen qatar ministr qurylys salasynda naqty kólem indeksi 2021 jyldyń qańtar-aqpan ailarynda 109,7 paiyz bolǵanyn aitty.
Jambyl jáne Batys Qazaqstan oblystarynan basqa 15 óńirde oń kórsetkish tirkelgenin atap ótti.
«Turǵyn úi qurylysynda biylǵy eki aida 1 mln 893 myń sharshy metr baspana paidalanýǵa berildi. Iaǵni, ósim 2020 jyldyń sáikes kezeńimen salystyrǵanda 112,8 paiyzdy qurady. Respýblika boiynsha barlyǵy 15 807 baspana paidalanýǵa berildi. Ótken jylmen salystyrǵanda bul kórsetkish barlyq óńirde artty. Jalpy biyl elimizde 17 mln sharshy metr turǵyn úi salynady», - dedi Beibit Atamqulov.
