Foto: QR Parlamenti Májilisiniń baspasóz qyzmeti
Tótenshe jaǵdailar vitse-ministri Baýyrjan Syzdyqov elde sý tasqyny jaǵdaiy turaqty, biraq kúrdeli ekenin málimdedi, dep habarlaidy «Ult aqparat» Sputnik Qazaqstan-ǵa silteme jasap.
"Sý tasqynyń jaǵdaiy turaqty-kúrdeli. Batys aimaqtarda sý azdap tómendedi, al ortalyq, soltústik jáne shyǵys bólikterinde kerisinshe ózender deńgeiiniń qarqyndy kóterilýi baiqalady. Sý basý aimaǵynda 5 oblys qalyp otyr, ákimdikter jergilikti aýqymdaǵy 20 tótenshe jaǵdai jariialady", - dedi Syzdyqov úkimet otyrysynda.
Vitse-ministrdiń aitýynsha, Aqtóbe, Batys Qazaqstan jáne Qostanai oblystarynda kúrdeli jaǵdai saqtalyp otyr. Bul jerlerge dereý kúshter men quraldar jumyldyryldy. Óńirlerde avariialyq-qutqarý jumystary jalǵasýda.
Sý tasqyny bastalǵaly beri 15 myń 786 adam evakýatsiialanǵan, onyń ishinde 6 myń 187 bala (Aqtóbe, Qostanai, BQO, Ulytaý, Abai, Aqmola, Atyraý, Qaraǵandy, SQO, Túrkistan, Almaty, Pavlodar).
Qazir ýaqytsha ornalastyrý pýnktterinde 4 113 adam, onyń ishinde 1 911 bala (Aqtóbe, BQO, Aqmola, Atyraý, Qostanai) bar. Olar úshin barlyq qajetti jaǵdai jasalǵan.
Syzdyqov sý tasqyny belsendi kezeńge ótpegen eldi mekenderde aldyn alý sharalary kúsheitilgenin atap ótti.
