فوتو: قر پارلامەنتٸ مەجٸلٸسٸنٸڭ باسپاسٶز قىزمەتٸ
تٶتەنشە جاعدايلار ۆيتسە-مينيسترٸ باۋىرجان سىزدىقوۆ ەلدە سۋ تاسقىنى جاعدايى تۇراقتى, بٸراق كٷردەلٸ ەكەنٸن مەلٸمدەدٸ, دەپ حابارلايدى «ۇلت اقپارات» Sputnik قازاقستان-عا سٸلتەمە جاساپ.
"سۋ تاسقىنىڭ جاعدايى تۇراقتى-كٷردەلٸ. باتىس ايماقتاردا سۋ ازداپ تٶمەندەدٸ, ال ورتالىق, سولتٷستٸك جەنە شىعىس بٶلٸكتەرٸندە كەرٸسٸنشە ٶزەندەر دەڭگەيٸنٸڭ قارقىندى كٶتەرٸلۋٸ بايقالادى. سۋ باسۋ ايماعىندا 5 وبلىس قالىپ وتىر, ەكٸمدٸكتەر جەرگٸلٸكتٸ اۋقىمداعى 20 تٶتەنشە جاعداي جارييالادى", - دەدٸ سىزدىقوۆ ٷكٸمەت وتىرىسىندا.
ۆيتسە-مينيستردٸڭ ايتۋىنشا, اقتٶبە, باتىس قازاقستان جەنە قوستاناي وبلىستارىندا كٷردەلٸ جاعداي ساقتالىپ وتىر. بۇل جەرلەرگە دەرەۋ كٷشتەر مەن قۇرالدار جۇمىلدىرىلدى. ٶڭٸرلەردە اۆارييالىق-قۇتقارۋ جۇمىستارى جالعاسۋدا.
سۋ تاسقىنى باستالعالى بەرٸ 15 مىڭ 786 ادام ەۆاكۋاتسييالانعان, ونىڭ ٸشٸندە 6 مىڭ 187 بالا (اقتٶبە, قوستاناي, بقو, ۇلىتاۋ, اباي, اقمولا, اتىراۋ, قاراعاندى, سقو, تٷركٸستان, الماتى, پاۆلودار).
قازٸر ۋاقىتشا ورنالاستىرۋ پۋنكتتەرٸندە 4 113 ادام, ونىڭ ٸشٸندە 1 911 بالا (اقتٶبە, بقو, اقمولا, اتىراۋ, قوستاناي) بار. ولار ٷشٸن بارلىق قاجەتتٸ جاعداي جاسالعان.
سىزدىقوۆ سۋ تاسقىنى بەلسەندٸ كەزەڭگە ٶتپەگەن ەلدٸ مەكەندەردە الدىن الۋ شارالارى كٷشەيتٸلگەنٸن اتاپ ٶتتٸ.
