Qazaqtyń uly aqyny, aǵartýshysy jáne qazaq ádebietiniń klassigi Abaidyń 175-jyldyǵyna arnalǵan is-sharalar seriiasynyń jalǵasy retinde Qazaqstan Elshiligi Berlindegi tanymal «Zoo Palast» kinoteatrynda «Qunanbai» tarihi kinodramasynyń kórsetilimin uiymdastyrdy, dep habarlaidy "Ult aqparat" QR SIM baspasóz qyzmetine silteme jasap.
Birqatar syilyqtarǵa ie bolǵan filmde Qazaqstan men qazaq halqyn óz týyndylarymen álemge pash etken hákim Abaidyń ákesi – Qunanbaidyń ómiri men qyzmeti týraly baiandalady.
Filmniń tusaýkeserinde Elshi Dáýren Káripov «Qazaq kitaphanasy» jobasy aiasynda Elshilik nemis baspalarymen birlese otyryp basyp shyǵarǵan aqynnyń nemis tilindegi shyǵarmalary men óshpes murasy týraly aityp berdi.
Sondai-aq, kinokórsetilim aiasynda jinalǵan nemis saiasatkerleri men sarapshylaryna, qoǵam qairatkerlerine, jýrnalisterge jáne Berlin turǵyndaryna ótken tamyz aiynda Germaniiada Qazaqstannyń Mádeniet jáne sport ministrligi men «Ulttyq aýdarma biýrosy» Qoǵamdyq qory jobasy aiasynda jaryq kórgen aqynnyń nemis tilindegi «Abai» atty shyǵarmalarynyń jańa jinaǵy tanystyryldy.
Is-shara sanitarlyq-epidemiologiialyq talaptar men áleýmettik qashyqtyq normalaryn saqtai otyryp ótkizildi.
