Senbi, 29 tamyz kúni Germaniia astanasy Berlinde koronavirýs pandemiiasyna bailanysty engizilgen shekteýlerge qarsylyq aktsiiasyna ondaǵan myń adam qatysty. Aktsiia qatysýshylary politsiia tyiymyna qaramastan qala ortalyǵynda sherýletti. Bul týraly britaniialyq BBC habarlady.
Bastapqyda politsiia bul aktsiiaǵa múldem tyiym salmaq bolǵan. Alaida 28 tamyz kúni Berlin soty bul tyiymnyń kúshin joidy. Degenmen senbi kúni politsiia maska taqpaǵany úshin jáne qashyqtyq ustanbaǵany úshin aktsiia qatysýshylaryna sherýletýge jol bermeýge tyrysty.
Quqyq qorǵaý organdarynyń esepteýinshe, aktsiiaǵa 38 myń adam qatysqan.
Kei jerlerde sherýshiler men politsiia qaqtyǵysyp qalǵan. Politsiia Ýnter-den-Linden kóshesinde ornalasqan Resei elshiliginiń aldynda ondaǵan sherýshini ustap áketti. Bul týraly politsiianyń ózi habarlady. Politsiianyń málimdeýinshe, elshilik ǵimaratyna zaqym kelmegen.
Senbiniń keshinde politsiia aktsiianyń 200-den astam qatysýshysyn ustap áketkenin habarlady. Qaqtyǵys kezinde kemi 7 politsei jaraqattanǵan.
Ondaǵan sherýshi Germaniia parlamenti Býndestag otyratyn Reihstag ǵimaratyna basyp kirmekshi boldy, biraq politsiia oǵan jol bermedi.
Sherýdi uiymdastyrǵan Querdenken 711 bastamasy. Shtýtgart qalasynan kelgen bul bastama negizgi bostandyqty qorǵaýmen ainalysatynyn aitady. Berliner Morgenpost gazetiniń málimetinshe, bastamaǵa quramyna kóbine qastandyq teoriialarynyń jaqtastary, ońshyl ekstremister jáne jańa koronavirýstyń baryn joqqa shyǵarýshylar kiredi.
Deutsche Welle basylymynyń tilshileri sherýshiler arasynda Resei týyn ustaǵandardyń bolǵanyn, keibireýleriniń Donald Tramptan kómek suraǵanyn, Donbastaǵy reseishil separatisterdiń jáne LGBT týlaryn ustaǵanyn anyqtady. Eń jii kezdeskeni – Germaniia imperiiasynyń týy (1871–1918 jyldardaǵy Ekinshi reih týy). Kei sherýshiler "Pýtin" dep urandatqan.
Dál osyndai sherý 1 tamyzda da bolǵan. Oǵan 15 myńǵa jýyq adam qatysqan.
Beisenbi, 27 tamyz kúni kantsler Angela Merkel Germaniianyń bir aimaqtan ózge barlyq territoriiasynda maska taǵý mindettelgen jerde maska taqpaǵandarǵa 50 evro aiyppul salynatynyn málimdedi. Jyldyń aiaǵyna deiin buqaralyq is-sharalarǵa tyiym salynǵan.
Djons Hopkins ýniversitetiniń 30 tamyzdaǵy dereginshe, epidemiia bastalǵaly Germaniiada barlyǵy 242 835 adamnan koronavirýs infektsiiasy anyqtalǵan. Aýrýdan 9299 adam qaitys bolǵan, 213 200 adam jazylyp shyqqan.
Senbi kúni koronavirýs pandemiiasyna bailanysty engizilgen shekteýlerge qarsylyq sherýleri Parij ben London qalalarynda da ótti.
