Berlin ortalyǵynda Gedehtniskirhe shirkeýiniń mańynda jármeńke ótip jatqan jerde júk kóligi adamdar tobyn qaǵyp ketti, - dep habarlaidy Deutsche Welle.
Basylymnyń málimetinshe, oqiǵa ornyn politsiia qorshaýǵa alǵan. Munda órt sóndirýshiler men jedel járdem kólikteri kelgen. Jergilikti BAQ-tar adamdardy qaqqan júrgizýshiniń oqiǵa ornynan qashyp ketkenin habarlap otyr.
Qala politsiiasy Twitter jelisinde toǵyz adamnyń qaza tapqanyn habarlady. Keiin qaza bolǵandardyń sany 12-ge jetti. Sondai-aq, aýrýhanaǵa 48 adam jetkizilgen. Politseiler bul oqiǵany terakt bolýy múmkin ekenin aityp otyr, dep habarlady N-TV quqyq qorǵaý organdarynyń ókilderine silteme jasap.
Budan keiin jaraqat alǵandardyń ishinde týristerdiń de bolǵanyn aitady. Bul týraly Berlin politsiiasynyń resmi ókili oqiǵa ornynda jýrnalisterge habarlady. Berlin politsiiasy áleýmettik jelilerde qala turǵyndary men qonaqtarynan rojdestvo jármeńkesindegi shabýylǵa bailanysty kóshege shyqpaýyn surap otyr.
Al Washington Post Iraktaǵy derekkózderine silteme jasai otyryp, DAISh-tyń bul qylmysty óz moinyna alǵanyn habarlady.
