Foto ashyq derekkózden alyndy
Berik Ýáli jańa qyzmetke taǵaiyndaldy, dep habarlaidy "Ult aqparat".
"Memleket basshysynyń ókimimen Berik Ýáli Qazaqstan Respýblikasy Prezidentiniń keńesshisi – Prezidenttiń Baspasóz hatshysy laýazymyna taǵaiyndaldy", - delingen Aqorda habarlamasynda.
Aita keteiik, osydan birneshe kún buryn bul qyzmetke Nurmuhamed Baiǵaraev taǵaiyndalǵan edi. Alaida ol densaýlyǵyna bailanysty qyzmetinen óz erkimen bosatyldy.
Berik Ýáli 1997 jyly T. Júrgenov atyndaǵy Qazaq memlekettik teatr jáne kino institýtyn "Kinotanýshy", 2005 jyly ál-Farabi atyndaǵy Qazaq ulttyq ýniversitetiniń magistratýrasyn "Jýrnalistika", 2014 jyly Qazaq innovatsiialyq gýmanitarlyq-zań ýniversitetin "Quqyqtaný" mamandyqtary boiynsha bitirgen.
1997-2012 jyldary – "Habar" Agenttiginiń, "TAŃ" telekompaniiasynyń, "NTK" telearnasynyń, "31 kanal" JShS-niń jýrnalisti, aqparattyq baǵdarlamalarynyń redaktory, "Nur Media" JShS-niń jemqorlyqqa qarsy media ortalyǵynyń jetekshisi.
2018-2019 jyldary Qazaqstan ulttyq arnasynyń "1-stýdiia" saiasi tok-shoýynyń jetekshisi ári júrgizýshisi.
2012-2015 jyldary – Ońtústik Qazaqstan oblysy ákimi apparaty basshysynyń orynbasary, baspasóz qyzmetiniń basshysy, Ishki saiasat jáne din isteri basqarmasynyń basshysy.
2015-2016 jyldary – Nur Otan partiiasy tóraǵasy Birinshi orynbasarynyń keńesshisi.
2016-2018 jyldary – Qazaqstan Respýblikasy Investitsiialar jáne damý ministriniń keńesshisi, Aqparattyq qamtamasyz etý departamentiniń direktory.
2018-2019 jyldary – Jambyl oblysy ákimdiginiń Ishki saiasat basqarmasynyń basshysy.
2019-2022 jyldary – Qazaqstan Respýblikasy Prezidentiniń Baspasóz hatshysy.
2022 jyldyń naýryz aiynda "Habar" Agenttigi" aktsionerlik qoǵamynyń Basqarma Tóraǵasy qyzmetine taǵaiyndaldy.
Ol - "Daryn" memlekettik jastar syilyǵynyń laýreaty. "Qurmet" ordeniniń, bes mereitoilyq medaldiń, sondai-aq Prezident Ákimshiliginiń "Minsiz qyzmeti úshin" medaliniń iegeri.
