Jambyl oblysynyń ákimi Berdibek Saparbaev Tarazdaǵy birqatar saýda oryndarynyń jumysymen tanysyp, sanitarlyq talaptardyń saqtalý barysyn tekserdi, - dep habarlaidy oblys ákimdiginiń baspasóz qyzmeti.
Aimaq basshysy barǵan alǵashqy nysan qalanyń shyǵys shetinde ornalasqan «Aýyl Bereke» bazary boldy. Onda oblys ákimi azyq-túlik taýarlarynyń assortimentimen, sapasy jáne baǵasymen tanysyp, satýshylar men tutynýshylardy ángimege tartty. Búgingi tańda bazardyń jemis-kókónisterdiń, qurylys materialdary men aýylsharýashylyq ónimderiniń kóterme saýda sektory jumys isteýde. Karantinge bailanysty azyq-túlik emes taýarlar saýda bólikteri jabylǵan.
Bazar aýmaǵyn sholyp shyqqan aimaq basshysy birqatar mańyzdy máselelerge toqtaldy.
- Buǵan deiin men bazar aýmaǵyn retke keltirýdi, saýda oryndaryn jaqsartýdy, yńǵaily jaǵdai jasaý máselelerine nazar aýdarýdy tapsyrǵan bolatynmyn. Alaida, bul nusqaýlar tolyǵymen oryndalmaǵan. Jaily saýda pavilondary joq. Keibir satýshylar jerde saýda jasap otyr. Kólik quraldarynyń bazardaǵy retsiz qozǵalysy órt qaýpin týdyrady, - dedi ol.
Sanitarlyq-epidemiologiialyq talaptardy saqtalýy da oidaǵydai emes. Satýshylar da, satyp alýshylar da betperde kimeidi, adamdar arasyndaǵy áleýmettik araqashyqtyq saqtalmaitynyn kórip otyrmyz.
- Naryq qyzmetkerleri azyq-túlik emes sektordaǵy jumysty qaita bastaýdy suraýda. Alaida, bazar ákimshiligi qajetti sanitarlyq talaptardyń saqtalýyn qamtamasyz ete almai otyr. Tiisti sharalar qabyldańyzdar, sodan keiin ǵana bazardyń tolyq ashý týraly aitýǵa bolady. Pandemiia kezinde bizdiń azamattarymyzdyń densaýlyǵyna qatysty qaýipsizdik sharalaryn elemeýge jol berilmeidi, - dedi Berdibek Saparbaev bazar basshylyǵyna.
Sondai-aq, Taraz qalasyndaǵy aimaq basshysy «Ortalyq» jáne «Atakent» bazarlaryn at basyn buryp, oblys ortalyǵyndaǵy demalys saiabaqtarynyń aýmaǵyn aralap kórdi.
