Benzin men energiia tasymaldaýshylar baǵasy ósip jatyr jáne óse beredi. Bul týraly munai-gaz salasynyń sarapshysy Oljas Baidildinov aityp berdi, dep habarlaidy QazAqparat.
«Qazirgi ósim munaidyń álemdik baǵasynyń ósýimen tuspa-tus keldi, sondyqtan álemdik baǵalarmen birge bizde de benzin baǵasy ósti degen qate pikir qalyptasty. 20 naýryzda jazǵanymdai, sol kezdegi baǵalar munai óndirýshi jáne óńdeýshi kompaniialar úshin tiimsiz boldy. Naryqtyq ekonomikada baǵalar bir jyl buryn ósýi tiis edi, biraq 2020 jylǵy qańtardan bastap, tutynýshylyq tómendep, qaita óńdeýge arnalǵan aktsizderdiń ósýine qaramastan, baǵa ózgergen joq», - dedi Oljas Baidildinov Ortalyq kommýnikatsiialar qyzmetinde ótken brifingte.
Sarapshy bir jyl burynǵy jaǵdaiǵa airyqsha toqtaldy.
«Bir jyl buryn kóptegen «sarapshylar» bir sózdi qaitalady: munaidyń álemdik baǵasy 3 ese tómendedi, demek Qazaqstanda da baǵa 3 ese quldyraýy tiis. Ishki naryqtaǵy baǵalar burynnan beri dotatsiialanady jáne olar álemdik baǵadan edáýir tómen», - dep tolyqtyrdy Oljas Baidildinov.
Onyń aitýynsha, baǵa qymbattaǵansha Qazaqstan álemdegi eń arzan benzin boiynsha 7 – orynda bolsa, qazir 8-9-orynda tur.
