Belgiianyń Antverpen qalasynda salynyp jatqan mektep qulap, alty adam mert boldy, olardyń beseýi sheteldikter. Bul týraly The Brussels Times gazeti habarlady.
Opat bolǵan qurylysshylardyń kópshiligi sheteldikter – Portýgaliianyń úsh azamaty, bir Rýmyniia azamaty jáne bir Resei azamaty. Qaiǵyly oqiǵa ornyna osy elderdiń elshileri bardy. Prokýratýra organdary tergeýge qosyldy.
Antverpen injenerlik departamentiniń mamandary jańa ǵimarattyń qulaýyna ne sebep bolǵanyn anyqtaýda. Qazirgi ýaqytta mektep qurylysyn bitirý múmkin bolatynyna kúmán bar, qala basshylyǵy qurylysy aiaqtalýǵa jaqyn barlyq ǵimaratty buzýǵa týra keletinin joqqa shyǵarmaidy.
