«Aýyl» halyqtyq demokratiialyq patriottyq partiiasynyń qatary birneshe belgili azamatpen tolyqty, dep habarlaidy "Ult aqparat".
Aita ketsek elordadaǵy Ulttyq-akademiialyq kitaphanada «Aýyl» partiiasynyń saiasi keńesiniń otyrysy ótip jatyr. Otyrys barysynda partiianyń «El amanaty» Jalpyulttyq saýalnamasyn júrgizýi týraly másele qaralýda.
Saiasi keńestiń jumysyn «Aýyl» partiiasynyń tóraǵasy Áli Bektaev ashyp, bul jobanyń partiia úshin mańyzyn atap ótti.
«El amanaty» jalpyulttyq saýalnama jobasyn búgingi tańda qoǵam aldynda turǵan asa mańyzdy áleýmettik jáne ekonomikalyq problemalardy anyqtaý maqsatynda usyndyq. Saýalnama barysynda anyqtalǵan barlyq problema partiia úshin halyqtyń amanaty bolady. Onyń qorytyndysy bizdiń aldaǵy jumysymyzdyń baǵdary bolyp, «Aýyl» partiiasy baǵdarlamasynyń negizine ainalady. Respondentterden alynǵan jaýaptyń bir de biri nazardan tys qalmai, bilik organdaryna jetkiziledi», - dedi Áli Bektaev otyrys barysynda.
Sonymen birge otyrys barysynda partiia qataryna jańa azamattar qabyldandy. Atap aitqanda, belgili jýrnalister Nesip Júnisbaev pen Zeiin Álipbek, «Iskerlikke demeý» qoǵamdyq qorynyń basshysy Anas Baqqojaev «Aýyl» partiiasynyń qataryna ótti.
