Foto: mgorod.kz
Qoǵam qairatkeri, zań ǵylymdarynyń doktory Marat Báshimov reseilikterdiń Qazaqstan aýmaǵyna kirý erejeleri týraly aitty, - dep habarlaidy Tengrinews.kz agenttigi.
Marat Báshimov Facebook jelisinde Qazaqstanǵa reseilikterdiń jappai kelýine qatysty jaǵdaiǵa pikir bildirdi. Onyń aitýynsha, osy másele boiynsha oǵan jýrnalister jii júgine bastaǵan.
"Bizdiń zańnamaǵa sáikes jáne halyqaralyq sharttar aiasynda Resei Federatsiiasynyń azamattary elimizde 90 kún bola alady, sodan keiin olar ketýi kerek. EAEO azamattary (Resei, Qyrǵyzstan, Belarýs, Armeniia) eńbek sharty negizinde Qazaqstan Respýblikasy aýmaǵynda ruqsat almai eńbek qyzmetin júzege asyrady", - dep jazdy Báshimov.
"Jalpy, Resei azamattary elde 120 kún bola alady. Iaǵni, olar tirkeýsiz 30 kúnge jáne kóshi-qon organdarynda tirkelgennen keiin taǵy 90 kúnge qalýǵa quqyly. EAEO-nyń negizgi qaǵidaty - bul taýarlardyń, kapitaldardyń, kórsetiletin qyzmetter men jumys kúshiniń erkin qozǵalysy. Sondai-aq, mysaly, Eýropalyq Odaqta erejeler bar. Resei, Belarýs jáne EAEO-nyń basqa da elderiniń azamattary munda tek eńbek sharty negizinde jumys istei alady jáne olarǵa buǵan ruqsat alýdyń qajeti joq. Sondyqtan, Reseiden biznesti bizge kóshirý ońai, olarǵa AHQO-da tirkelý jetkilikti", - dedi Báshimov.
Onyń aitýynsha, ýaqytsha turýǵa yqtiiarhat ta zańǵa sáikes belgilengen alty qujat boiynsha beriledi, olardyń arasynda memlekettik organdardyń ruqsat beretin qujattary da bar. Báshimov qujattar tiziminde tólqujattan basqa jumys ornynan anyqtama, saqtandyrý, bank derektemeleri bolýy múmkin ekenin atap ótti.
Marat Báshimov keibir azamattardyń reseilikter úshin shekarany jabý týraly usynystaryna da pikir bildirdi.
"Shekarany jabýdyń basqa jaǵymsyz jaǵy bar jáne keri reaktsiiaǵa, ekonomikalyq almasýdyń nasharlaýyna ákelýi múmkin, óitkeni ol Qazaqstannyń soltústik óńirleriniń azyq-túlik qaýipsizdigine áser etedi, taýarlar men azyq-túlik importyna táýeldilik óte mańyzdy jáne búkil shekara mańyndaǵy saýdany buzýy múmkin, taýarlardyń qymbattaýy men tapshylyǵyna ákeledi", - dep jazdy zańger.
