Foto: instagram.com/aigerim.abzhan
Belgili aqyn Muhtar Shahanovtyń uly Qýanysh Muhtaruly dúnie saldy, dep habarlaidy Ult.kz.
Qaraly habardy jazýshy Qudiiar Bilál jetkizdi.
"Sýyt habar. Muhtar Shahanov aǵamyzdyń uly Qýanysh Muhtaruly uzaqqa sozylǵan aýyr naýqastan keiin dúnieden ozdy. Imany salamat bolsyn!", – dediQudiiar Bilál jelidegi paraqshasynda.
Aqynnyń jary belgili ǵalym, pedagog Rozalinda Áshirbaiqyzy Shahanova biyl sáýir aiynda dúnieden ótken. Shahanovtyń taǵy bir uly Raýan Shahanov 2021 jyly qaitys bolǵan edi.
Muhtar Shahanov 1942 jyly 2 shilde Túrkistan oblysy, Tóle bi aýdany, Qasqasý aýylynda dúniege kelgen. Qazaq aqyny, dramatýrgi. Qazaqstan halyq jazýshysy.
