Shri-Lanka Úndistan men Vetnamda bolǵan óz azamattaryna elge kirýge ruqsat bermei jatyr. Belarýs reseilik «Spýtnik Lait» vaktsinasyn tirkedi, dep habarlaidy "Ult aqparat".
Ulybritaniianyń Premer-ministri Boris Djonson AstraZeneca kompaniiasy shyǵarǵan koronavirýs infektsiiasyna qarsy vaktsinanyń ekinshi dozasyn aldy. Bul týraly Twitter-degi paraqshasynda málim etti.
Saiasatker erejege sáikes vaktsinanyń ekinshi komponentin birinshisinen 11 apta ótken soń saldyrǵan. Protsedýra Londondaǵy Frensis Kriktiń biomeditsinalyq zertteýler ortalyǵynda ótti. «Sizdiń kezegińiz kelgende, koronavirýs infektsiiasyna qarsy egilińiz», – dep jazdy Djonson.
Shri-Lanka biligi koronavirýs pandemiiasynyń jalǵasýyna bailanysty el ishindegi qozǵalysqa tyiym salý merzimin 14 maýsymǵa deiin uzartty. 1 maýsymnan bastap Shri-Lanka aralǵa sheteldik týristerdiń kelýine shekteýdi alyp tastaǵan bolatyn. Sheteldikter elge kelmes buryn PTR-test jasap, el aýmaǵyna kirgen soń eki apta karantinge oqshaýlandyrylady. Alaida, sońǵy 14 kúnde Úndistanda nemese Vetnamda bolǵan adamdarǵa, tipti olar Shri-Lanka azamattary bolsa da, aralǵa kirýge ruqsat etilmeidi.
Belarýste koronavirýs infektsiiasyna qarsy reseilik «Spýtnik Lait» vaktsinasy tirkeldi, dep habarlandy Belarýs Respýblikasy Densaýlyq saqtaý ministrliginen. Tirkeý bir jyl boiy jaramdy bolady. Preparatty Gamaleia atyndaǵy ulttyq epidemiologiia jáne mikrobiologiia ǵylymi-zertteý ortalyǵy jasap shyǵardy. «Spýtnik Laittyń» eki komponentti «Spýtnik V» vaktsinasynan eń basty aiyrmashylyǵy, onyń quramy 26-shy tipti adenovirýs negizinde jasalǵan bir ǵana komponentten turatyndyǵynda.
