Iordaniianyń Amman qalasynda ótip jatqan bokstan Olimpiadaǵa irikteý týrnirinde Bekzat Nurdáýletov qazaq boksshylary arasynan alǵashqy «altyndy» jeńip aldy, dep habarlaidy "Ult aqparat".
81 keli salmaqta el namysyn qorǵaǵan otandasymyz Bekzat Aziia-Tynyq muhity aimaǵynan Olimpiadaǵa irikteý týrniriniń chempiony atandy.
Ol finalda aýstraliialyq boksshy Paýlo Aokýsomen qolǵap túiistirdi. Úsh raýnd qorytyndysy boiynsha tóreshiler qazaq boksshysyn biraýyzdan jeńimpaz dep tapty. Esep - 5:0.
Osylaisha, Bekzat qazaqstandyq boksshylar arasynan olimpiadalyq irikteý týrnirinde birinshi bolyp top jardy.
Buǵan deiin finalǵa shyqqan eki boksshymyz - Zákir Safiýllin men Ábilhan Amanqul «kúmisti» qanaǵat tutqan edi.
