يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە بەكزات نۇردەۋلەتوۆ قازاق بوكسشىلارى اراسىنان العاشقى «التىندى» جەڭٸپ الدى, دەپ حابارلايدى "ۇلت اقپارات".
81 كەلٸ سالماقتا ەل نامىسىن قورعاعان وتانداسىمىز بەكزات ازييا-تىنىق مۇحيتى ايماعىنان وليمپياداعا ٸرٸكتەۋ تۋرنيرٸنٸڭ چەمپيونى اتاندى.
ول فينالدا اۋسترالييالىق بوكسشى پاۋلو اوكۋسومەن قولعاپ تٷيٸستٸردٸ. ٷش راۋند قورىتىندىسى بويىنشا تٶرەشٸلەر قازاق بوكسشىسىن بٸراۋىزدان جەڭٸمپاز دەپ تاپتى. ەسەپ - 5:0.
وسىلايشا, بەكزات قازاقستاندىق بوكسشىلار اراسىنان وليمپيادالىق ٸرٸكتەۋ تۋرنيرٸندە بٸرٸنشٸ بولىپ توپ جاردى.
بۇعان دەيٸن فينالعا شىققان ەكٸ بوكسشىمىز - زەكٸر سافيۋللين مەن ەبٸلحان امانقۇل «كٷمٸستٸ» قاناعات تۇتقان ەدٸ.
