Sybailas jemqorlyqqa qarsy is-qimyl agenttiginiń tóraǵasy Oljas Bektenov ortalyq apparat pen aýmaqtyq organdardyń jeke quramymen keńes ótkizdi, dep habarlaidy "Ult aqparat" vedomstvonyń baspasóz qyzmetine silteme jasap.
Jiynda Úkimettiń keńeitilgen otyrysy barysynda Memleket basshysynyń bergen tapsyrmalaryn iske asyrý máseleleri talqylandy.
«Prezident memlekettik organdardyń eldiń ornyqty áleýmettik-ekonomikalyq damýyn qamtamasyz etý jáne halyqtyń ál-aýqatyn arttyrý jónindegi tiimdi jumysynyń jetkiliksizdigine bailanysty qatań syn aitty. Memleket basshysy aitqan kemshilikterdiń biri – jemqorlyq», - dedi Bektenov.
Antikor basshysy barlyq bólimshe basshylaryna jol qurylysy máselesi boiynsha dereý egjei-tegjeili aqparat berýdi tapsyrdy.
«Biz barlyq iri merdigerlerdi jáne olardyń artynda turǵandardy bilemiz. Respýblikalyq jáne jergilikti joldardy salý kezinde anyq qatelikter týraly aqparat bar. Basqa memlekettik organdarmen birlesip bul máselede tártip ornatamyz. Bul rette adal biznestiń jumysyna aralasýǵa jol berýge bolmaidy», - dep atap ótti Bektenov.
Sondai-aq, Memleket basshysynyń baǵa belgileýdi baqylaý, bilim berý jáne densaýlyq saqtaý salalarynda jańa ulttyq jobalardy ázirleý máselelerine qatysty tapsyrmalary talqylandy.
