Densaýlyq saqtaý ministrliginiń Sanitarlyq-epidemiologiialyq baqylaý komiteti baiqaý jariialady. Vedomstvo almatylyq departamentti basqaratyn maman izdep jatyr, - dep habarlaidy Tengrinews.kz tilshisi.
Biyl qańtardyń basynda Jandarbek Bekshin Sanitarlyq-epidemiologiialyq baqylaý departamentiniń basshysy qyzmetinen ketti. Ol zeinetke shyqty. Osydan keiin onyń ornyna úmitkerlerdi jumysqa qabyldaý konkýrsy jariialanǵan.
Bos laýazymǵa ornalasýǵa niet bildirgender ishinde bir ǵana úmitker barlyq talapqa sai ekeni aityldy. Ol - qazir Almaty qalasy Medeý aýdandyq Sanitarlyq-epidemiologiialyq baqylaý basqarmasynyń basshysy qyzmetin atqaryp júrgen Qasymhan Alpysbaiuly.
Sanitarlyq-epidemiologiialyq baqylaý komiteti málimetinshe, kandidatpen áńgimelesý 27 qańtarda ZOOM qosymshasy arqyly beinebailanys túrinde ótedi.
"Búgin tek bir kandidatpen kezdesý ótedi. Basqa adamdar qujat tapsyrǵan joq. Eger tapsyrsa da, kadr qyzmeti biliktilik talaptarynyń sáikestigin tekseredi. Biraq búgin bir ǵana úmitker áńgimelesýden ótedi", - dep túsindirdi komitettiń resmi ókili Erjan Baitanaev.
Eske salaiyq, Bekshinniń Almaty qalasy SEKD basshysy qyzmetinen ketetini byltyr jeltoqsannyń aiaǵynda belgili boldy.
