Almaty qalasynyń bas memlekettik sanitarlyq dárigeri Jandarbek Bekshinniń koronavirýsqa bailanysty jańa qaýlysy jariialandy, dep habarlaidy "Ult aqparat".
Jańa qaýly koronavirýs infektsiia boiynsha epidemiologiialyq ahýaldyń nasharlaýy jaǵdaiynda kásipkerlik sýbektileri jumysynyń ońtaily rejimin, sondai-aq halyqty COVID-19-ǵa qarsy jappai immýndaýdy júrgizýge daiyndyǵyn qamtamasyz etý maqsatynda shyqty.
Qaýlyǵa sáikes, «ASHYQ» pilottyq jobasymen jumys isteitin kásipkerlik sýbektileriniń qyzmetine ruqsat etildi.
Halyqqa qyzmet kórsetý ortalyqtary men «Qazposhta» AQ bólimsheleri aldyn ala jazba boiynsha qyzmet kórsete alady.
Qoǵamdyq tamaqtaný obektileriniń kelýshilerge qyzmet kórsetýimen jazǵy alańdarda ǵana otyratyn oryndar 50%, biraq 50 orynnan artyq emes toltyrylǵan kezde jáne ústelder arasynda 2 metr qashyqtyqty qatań saqtai otyryp jumys isteýine ruqsat.
2020-2021 oqý jylynyń sońyna deiin jataqhanalarda turmai tehnikalyq jáne kásiptik bilim beretin uiym men JOO stýdentteri jáne jalpy bilim beretin mektep oqýshylary qashyqtyqtan oqytý formatyna kóshirildi.
Ata-analarynyń ótinishi boiynsha 1-5 synyptardy qosa alǵanda (halyqaralyq mektepterde 1-7 synyptardy qosa alǵanda), 15 adamǵa deiingi balalar sany bar 9 jáne 11 (12) synyptardy kezekshi synyptarǵa ruqsat.
Sonymen qatar, Almaty qalasynyń qoǵamdyq oryndarynda koronavirýsqa qarsy vaktsinatsiia júrgizý algoritmi belgili boldy.
Qaýlynyń tolyq mátinin myna jerden taba alasyz.
Qaýly qol qoiylǵan kúnnen bastap kúshine enedi.
