Almaty emhanalarynda jyl saiynǵy tumaýǵa qarsy vaktsinatsiia naýqany birinshi qazanda bastaldy, dep habarlaidy "Ult aqparat" QazAqparat agenttigine silteme jasap.
Bul týraly onlain brifing barysynda Almaty qalasynyń bas memlekettik sanitar dárigeri Jandarbek Bekshin málim etti.
Onyń aitynsha, vaktsinatsiia epidemiologiialyq maýsymda tumaý virýstaryna qarsy immýnitettiń qalyptasýyn qamtamasyz etedi.
«Emhanalarǵa tumaýǵa qarsy vaktsina áli túsken joq. Qoǵamdyq densaýlyq saqtaý basqarmasy 180 myń doza satyp alýǵa ótinim berdi. Tumaýǵa qarsy vaktsinatsiia 1 qazanda bastalady. Birinshi kezekte, qaýip tobyndaǵy turǵyndarǵa salynady. Vaktsinatsiia bastalǵanǵa deiin epidemiologiialyq qyzmet emhananyń ýchaskelik qyzmetimen birlesip, aqysyz ekpe jasaý úshin táýekel tobynyń tizimin jasaidy. Olardyń qataryndaǵylar: sozylmaly aýrýy bar balalar, meditsina qyzmetkerleri, júkti áielder, jabyq tiptegi mekemelerdiń meditsinalyq qyzmetkerleri (balalar úii, mektep internaty, balalarǵa/múgedekterge arnalǵan mektep-internattary), qarttar men múgedekter úileriniń kontingenti», - dep túsindirdi Jandarbek Bekshin.
