Áleýmettik jelide Almaty qalasynyń sanitariialyq-epidemiologiialyq baqylaý departamenti baspasóz hatshysy Qymbat Qyzaibekovanyń WhatsApp messendjerinde jariialaǵan videosy talqylanyp jatyr. Osy jaǵdaiǵa qatysty Jandarbek Bekshin túsinikteme berdi, dep habarlaidy QazAqparat.
Onlain brifing barysynda jýrnalister Almatynyń bas sanitarlyq dárigeri Jandarbek Bekshinnen toida júrgen videosyn jariialaǵan departamenttiń baspasóz hatshysyna qandai shara qoldanylatyndyǵyn surady.
«Meniń orynbasarym bul jaǵdaidy anyqtady. Video eki jyl buryn túsirilgen. Ol bizde 2020 jyldyń qyrkúiek aiynan bastap jumys isteidi jáne baspasóz hatshysy emes. Hatshy 25 naýryzda densaýlyǵyna bailanysty jumystan shyqqan bolatyn. Qazir ol orynda Muhamediiarov otyr. Videodaǵy qyz oǵan mátin aýdarýǵa kómektesedi. Ol memlekettik qyzmetker emes. Video pandemiiaǵa deiin túsirilgen», - dedi Jandarbek Bekshin.
BAQ ókilderi videodaǵy mátin jazý fýnktsiiasy tek 2020 jyldyń sońynda paida bolǵanyn kórsetip turǵanyn aitty.
«Muny onda tájiribeli tergeýshi anyqtaýy kerek. Qazir ol tehnikalyq qyzmetker, 10 kún ýaqytsha jumys isteidi. Biz baspasóz hatshysynyń ornyna jańa konkýrs jariialaimyz. Egjei-tegjeili tergeý júrgizemiz. Biraq, ázirshe oqiǵanyń bir apta nemese bir ai buryn bolǵanyn dáleldei almaimyz», - dep jaýap berdi ol.
