Almatynyń burynǵy sanitariia dárigeri Jandarbek Bekshin men Jambyl oblysynyń eks-ákimi Berdibek Saparbaev áriptes atandy, - dep habarlaidy Tengrinews.kz saity.
Bekshin men Saparbaev QazBioPharm Ulttyq holdinginde jumys isteidi. Bul aqparatty respýblikanyń Densaýlyq saqtaý ministrliginiń Korporativtik damý departamenti ókilderi rastady.
"Jandarbek Bekshin 2023 jylǵy 4 qańtardan bastap QazBioPharm Ulttyq holdingi bas direktory orynbasarynyń mindetin ýaqytsha atqarýshy bolyp taǵaiyndaldy. Jarǵyǵa jáne holdingtiń bas direktory týraly erejege sáikes ishki rásimderge sáikes taǵaiyndaý týraly sheshim qabyldanǵanǵa deiin", - delingen vedomstvonyń redaktsiianyń suraýyna bergen jaýabynda.
Jambyl oblysynyń burynǵy ákimi Berdibek Saparbaev 2022 jyldyń tamyz aiynda QazBioPharm ulttyq holdinginiń táýelsiz direktory bolyp taǵaiyndalǵan.
"Holdingtiń direktorlar keńesiniń 2022 jylǵy 27 tamyzdaǵy sheshimine sáikes, Berdibek Saparbaev jasyryn daýys berý arqyly holdingtiń Direktorlar keńesiniń tóraǵasy bolyp sailandy", - dedi DSM Korporativtik damý departamenti ókilderi.
