Almaty qalasy bas memlekettik sanitar dárigeri Jandarbek Bekshin onlain brifing barysynda shetelden kelýshiler arasynda koronavirýstyń britaniialyq shtamy anyqtaldy ma degen suraqqa jaýap berdi, dep habarlaidy QazAqparat.
Onyń aitýynsha, koronavirýstyń quramy men mýtatsiiaǵa ushyraýyn jiti baqylap otyratyn arnaiy mamandar bar.
«Nur-Sultan qalasynda sońǵy úlgidegi jáne qazirgi zamanǵa sai zertteý júrgizetin «Sekvinator» degen aspap bar. Onymen zertteý jumystary qazir de júrip jatyr. Eýropa elderinen ózgergen shtamdar anyqtalmady. Bul jumysty respýblikalyq vedomstvoaralyq komissiianyń tapsyrmasy boiynsha kúsheitip jatyrmyz. Bir aptadan keiin «Sekvinator» Almatyǵa da jetkizilip, ǵylymi zertteýler júrgiziletin bolady. Onyń basty maqsaty – ózgergen shtamdardy anyqtaý», - deidi Jandarbek Bekshin.
Sonymen qatar, ol koronavirýs infektsiianyń keń taralǵan bes túri bar ekenin atap ótti.
«Bul bir britandyq, eki amerikandyq, bir braziliialyq shtamm jáne ońtústik afrikalyq shtamm. Biz jańa shtamdardy anyqtaý úshin arnaiy júie qurdyq. Zertteý nátijeleri týraly kem degende eki aptadan keiin ǵana aita alamyz. Búgingi kúnge deiin PTR testteriniń nátijeleri boiynsha koronavirýstyń 145 túrlendirilgen túri anyqtaldy. Biraq, patogendik ózgerister anyqtalǵan joq», - dedi ol.
