Balalarynyń quqyqtaryn buzyp, vaktsinatsiia jasatpaǵan ata-analarǵa ákimshilik aiyppul salynady. Aiyppul kólemi ázirge belgilengen joq. Joba densaýlyq saqtaý uiymdarynda talqylanǵannan keiin Parlamentke ketedi.
Bul týraly Nur-Sultanda ótken «Jahandaný jaǵdaiyndaǵy infektsiialyq aýrýlar: máseleler men sheshimder» qazaqstandyq alǵashqy kongresinde Qazaqstan Respýblikasy Densaýlyq saqtaý ministrligi Qoǵamdyq densaýlyqty saqtaý komiteti tóraǵasynyń orynbasary Jandarbek Bekshin aitty, dep habarlaidy Baq.kz portaly.
«Bizde Dúniejúzilik densaýlyq saqtaý uiymynyń usynymdary bar. Sol usynymdar boiynsha balalardy vaktsinatsiialaý 95%-ǵa, al eresekterdi vaktsinatsiialaý 80-85%-ǵa jetý kerek. Osyndai deńgeige jetsek – eshqandai juqpaly aýrýlardyń taralýy bolmaidy. Biz Qazaqstanda bul kórsetkishti 97%-ǵa jetkizdik. Bizdiń eń aldymen alańdatyp otyrǵany – qyzylsha aýrýy. Bul aýrý qazir pandemiia retinde álem boiynsha taralyq jatyr. Kongresske kelgen qonaqtar Dúniejúzilik densaýlyq saqtaý derekteri boiynsha, qazirgi ýaqytta álemde qyzylshamen aýyrǵan 375 myń jaǵdai tirkelgenin aityp jatyr. Osyǵan bailanysty Madagaskar jáne basqa da birqatar memleketterde ólim-jitim jaǵdailary bolyp jatyr. Bul aýrý AQSh-ta da taralýda, sondyqtan bul jahandyq másele bolyp sanalady. Biz aldyn alý sharalaryn jasap jatyrmyz. Kelesi aptadan bastap densaýlyq salasynda jumys istep júrgen dárigerlermen birge qosymsha egý jumystaryn júrgizemiz», - dedi Jandarbek Bekshin.
Elimizdiń bas dárigeri elimizdegi barlyq dárigerlerge egý jumystary júrgizilgenin aitty.
«10-12 aiǵa jetpegen sábiler aýyryp jatyr. Negizi 12 aidan bastap egiledi, biraq osy jaǵdaiǵa bailanysty egýdi 9 aidan bastalatyndai etip tómendettik. Sondai-aq, aýrýdyń ishki taralýy bolmas úshin elimizdegi meditsinalyq qyzmetkerlerdiń 99,7% egildi. Biz qazir balabaqsha men mektepterge vaktsinatsiialanǵan balalardy ǵana jiberý týraly usynys aityp jatyrmyz. Balalarynyń quqyqtaryn buzyp, vaktsinatsiia jasatpaǵan ata-analarǵa ákimshilik aiyppul salynady. Aiyppul kólemi ázirge belgilengen joq. Joba densaýlyq saqtaý uiymdarynda talqylanǵannan keiin Parlamentke ketedi», - dedi elimizdiń bas sanitar dárigeri.
Buǵan deiin Buǵan deiin vaktsinatsiianyń arqasynda adam ómirine qaýip tóndiretin qanshama infektsiia, epidemiialardy jeńgenimiz týraly jáne infektsiialyq aýrýlar bolmaityny týraly jazǵan bolatynbyz.
Kongreske Ortalyq Aziiadaǵy aýrýlardy baqylaý jáne aldyn alý ortalyǵynyń (SDC) ǵylymi qyzmetkerleri, Dúniejúzilik densaýlyq saqtaý uiymynyń ókilderi, Resei, Moldova, Qyrǵyzstan, Frantsiia, Italiia, Izrailden kelgen jetekshi ǵalymdar qatysty.
Shara 13 qyrkúiekke deiin sozylady jáne rezoliýtsiiaǵa qol qoiýmen aiaqtalady.
