Almaty qoǵamdyq keńesiniń múshesi Beknur Qisyqov «Qazaqstan Respýblikasynda beibit jiyndar, sherý, piketter, demonstratsiialyq jinalystardy ótkizý men uiymdastyrý tártibi týraly» jańa zań jobasyna qatysty oiyn bildirdi, dep habarlaidy "Ult aqparat".
Ol QR Aqparat jáne qoǵamdyq damý ministri Dáýren Abaevtyń qoǵam belsendilerimen, azamattyq qoǵammen kezdesýin joǵary baǵalady.
«Zań jobasy óte jaqsy. Kei pýnktilerin tolyqtyrý, al keibirin ózgertý kerek. Bul qujat jańa bolǵandyqtan, onyń jaǵymdy tusy kóp. Zań jobasy boiynsha talqy bastalyp ketti. Bul ádette óte jaqsy. Al miting jaiyna keletin bolsaq, bul jiyndar basqa adamdardyń qimyl-qozǵalysyna, júrip-turýyna, qaýipsizdigine kedergi keltirmeýi kerek. Almatyda halyq kóp turady. Bul másele ashyq talqyǵa tústi. Jaqyn arada ortaq toqtamǵa kelemiz degen oidamyn», - deidi Beknur Qisyqov.
Sarapshynyń aitýynsha, miting ótkizý úshin ruqsat suraý endi kerek emes, tek aldyn ala eskertý bolsa jetkilikti.
«Miting ótkizýge arnaiy ruqsat kerek emes, tek jazbasha habarlaý kerek. Bul jerde tek merzimi ǵana suraq týǵyzady. Biz 10 nemese 15 kún merzim usyndyq. Bul tehnikalyq másele jaqyn arada sheshimin tabady», - dedi Qisyqov.
Onyń aitýynsha, jańa zań sailaýǵa deiin qabyldanady.
