Tanymal psiholog Indira Razzaq jýrnalist Anna Danchenkoǵa bergen suhbatynda bloger Juldyz Jaýynbaevaǵa qatysty pikir bildirdi, dep habarlaidy ult.kz.
Psihologtyń aitýynsha, kezinde blogerge qiyn jaǵdaidan shyǵýǵa kómektesken. Alaida keiin onyń áreketterine kóńili tolmaǵanyn jetkizdi.
«Jýzefina ol kisilerge qońyraý shalady. Mende osyndai jaǵdai bolyp tur, kimge habarlasarymdy bilmedim. Sizderge habarlasyp turmyn. Sosyn ol kisiler maǵan shyǵady. “Sizdiń tanysyńyz edi ǵoi, bizge shyǵyp jatyr” dedi. Ol qamalaiyn dep turǵan jerinen qutqaryp aldy», - dedi Indira Razzaq.
Onyń sózinshe, keiin Darhan esimdi azamat suhbattan soń blogerdiń ústinen aryz túsiretinin aitqan. Alaida psiholog bul jaǵdaidyń sońy basqasha bolǵanyn jetkizdi.
«Biz ony shyǵaryp alǵannan keiin, ertesi shai ústinde “qyzym” dep turyp aqylyn aitty. “Myna nárse jabylǵansha eki ai sen tynysh bol, abai bol. Bul tirligińdi isteme”, - dedi. Eshqandai osoznanie joq. Bul qyz óz isin ary qarai jalǵastyra beredi», - dedi ol.
Indira Razzaq osy jaǵdaidan keiin blogerge kómekteskenderine qatysty ókinishin de jasyrmady.
«Bul qyzdy beker qutqardyq degen túsinikke keldim», - dedi psiholog.
Aita keteiik, bul - Indira Razzaqtyń suhbat barysynda aitqan jeke pikiri. Juldyz Jaýynbaevanyń atalǵan málimdemege qatysty ustanymy ázirge belgisiz.
