Túrkistandyq aqyn Bekarys Shoibek elordada ótip jatqan «Amanat» partiiasynyń kezekten tys XXIV cezinde Qasym-Jomart Toqaevty prezidenttikke kandidat retinde qoldaýǵa shaqyrdy.
«Partiiamyzdyń búgingi sezinde kúrdeli kezeńniń ótkir máseleleri keńinen talqylandy. Onyń ishinde syrtqy qaýipterdiń aldyn alý sharalary da bar. Memleket basshysy Túrkistanda sóilegen sózinde «Biz úshin eń mańyzdysy – halqymyzdyń aýmaqtyq tutastyǵy men ál-aýqaty» degen edi. Osyǵan qatty mán berýimiz kerek», – dedi ol «Amanat» partiiasynyń kezekten tys XXIV sezinde.
Belgili aqyn aldaǵy prezident sailaýynyń mańyzdylyǵyna toqtalyp, bul saiasi naýqanǵa el azamattary uiymshyldyqpen atsalysýy kerektigin atap ótti.
«Biz elimizdiń jarqyn bolashaǵy úshin asa mańyzdy saiasi naýqandy ótkizgeli otyrmyz. Olai bolsa «Amanat» partiiasy usynǵan kandidat Qasym-Jomart Kemeluly bastaǵan reformalardy birigip júzege asyrýǵa atsalysaiyq», – dedi Bekarys Shoibek.
Aitysker aqyn, partiianyń Saiasi keńesiniń múshesi Bekarys Shoibekovtiń aitýynsha, eń qiyn kezeńderde Qasym-Jomart Toqaev árdaiym halyqpen birge túitkildi máselelerdiń sheshý joldaryn taba bildi. Buǵan Arys, Maqtaaral, Qańtar oqiǵasy, Qostanai mysal bola alady.
Aita keteiik, búgin barlyq oblys pen Astana, Almaty jáne Shymkent qalalaryndaǵy partiialyqtar ««Amanat»-tyń basty saiasi is-sharasyna jinaldy. Túrkistan oblysynan barǵan 65 delegat partiianyń bastamasyna tolyq qoldaý kórsetti. Sezge jalpy 1200 delegat qatysyp otyr.
