Qazaqstannyń aviatsiialyq ákimshiligi Bek Air aviakompaniiasynyń paidalanýshy jáne ushý jaramdylyǵy sertifikattarynyń qoldanylýyn toqtatty, dep habarlaidy QazAqparat Azamattyq aviatsiia komitetiniń baspasóz qyzmetine silteme jasap.
Áýe apatyna ushyraǵan áýe kemesiniń ushý jaramdylyǵy kýáligi 2019 jyldyń mamyrynda berilgen bolatyn. Fokker-100 borty 1996 jyldyń sáýir aiynda shyǵarylǵan. Qazaqstandyq registrda 2016 jylǵy 26 tamyzda tirkeldi (kýálik nómiri 940).
Bek Air áýekompaniiasynda barlyǵy 10 ushaq tirkelgen. Qazirgi ýaqytta Qazaqstannyń aviatsiialyq ákimshiligi Bek Air áýe kompaniiasynyń paidalanýshy jáne ushý jaramdylyǵy sertifikattarynyń qoldanylýyn toqtatty. Bek Air kompaniiasynyń paidalanýshy sertifikaty ushý qaýipsizdigi boiynsha barlyq máseleler tolyq sheshilgenge deiingi merzimge toqtatyldy.
Eske sala ketsek, 27 jeltoqsanda Almatydan Nur-Sultanǵa baǵyt alǵan Bek Air áýe kompaniiasynyń ushaǵy apatqa ushyraǵan bolatyn.
Osy oqiǵaǵa bailanysty QR Prezidenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jariialady.
