© Tengrinews.kz 2024. Turar Qazanǵapov
Eks-ministr Qýandyq Bishimbaevtyń qylmysyna qatysy bar dep tanylǵan Baqytjan Baijanov áli Astana qalasynyń tergeý izoliatorynda otyr, dep habarlaidy "Ult Aqparat".
"Sot úkimimen ortasha qaýipsizdik mekemesinde jazasyn óteý taǵaiyndaldy. Qazirgi tańda ol Astana qalasynyń tergeý izoliatorynda. Sonymen qatar, qylmystyq-atqarý kodeksiniń 88-babyna sáikes sottalǵandar tirkeýge sáikes jazasyn óteý oryndaryna jiberiledi", - dep habarlady Qylmystyq atqarý júiesiniń baspasóz qyzmeti.
QR QIK-niń 93-babyna sáikes ózge de aqparat jariia etilmeidi.
Aita keteiik, keshe eks-ministr Qýandyq Bishimbaevtyń qatań rejimdegi mekemege aýystyrylǵany belgili bolǵan.
Eske salsaq, Baqytjan Baijanov azamattyq áielin asqan qatigezdikpen óltirdi dep sottalǵan burynǵy Ekonomika ministri Qýandyq Bishimbaevtyń týysy. Ol Bishimbaevtyń qylmysyn jasyrdy dep aiypalyp, 4 jylǵa bas bostandyǵynan aiyrylǵan. Al eks-ministr 25 jylǵa túrmege toǵytyldy.
