«Báiterek» ulttyq basqarý holdingi qurylymdy ońtailandyrý boiynsha Prezident synyna jaýap berdi, dep habarlaidy "Ult aqparat".
«Memleket basshysynyń syny oryndy. Ońtailandyrý máselesin holdingtiń turǵyn úi blogynan bastadyq - endi bes operatordyń ekeýi ǵana qalady. Bul jalpy jáne ákimshilik shyǵyndardy ońtailandyrýǵa, úsh kompaniianyń shtat sanyn qysqartýǵa múmkindik beredi. Bek-keńsege jaýapty departamentter - esepshiler, zańgerler qysqartylyp, úsheýine ortaq bir-bir departamentten qalady», - dedi «Báiterek» UBH Basqarma tóraǵasynyń orynbasary Ánýar Omarqojaev Ortalyq kommýnikatsiialar qyzmetinde.
Onyń aitýynsha, biyl «Báiterek» jalpy jáne ákimshilik shyǵyndardy 5,9 mlrd teńgege, shtat sanyn 170 adamǵa deiin qysqartady. 2023 jylǵa deiin shyǵyn kólemin 25% deiin qysqartý josparlanǵan.
Eske sala ketsek, QR Prezidenti Qasym-Jomart Toqaev 24 qańtarda ótken Úkimettiń keńeitilgen otyrysynda ulttyq kompaniialar men holdingterdiń jumysyna toqtalǵan bolatyn.
«2007 jyldan 2018 jylǵa deiin memlekettik holdingterge jalpy 7 trln astam teńge bólingen. Sondyqtan, halyq naqty nátijelerdi kórýi tiis. Esep komiteti qyzmetterdiń qaitalanǵanyn, qurylym men shtattyń artqanyn anyqtady. Máselen, «Báiterek» holdinginde 63 uiym bar. 11 enshiles uiymynda 2,8 myń qyzmetkeri bar. «QazAgroda» 2 myń qyzmetkeri bar úsh enshiles kompaniia bar», - dedi Prezident.
Buǵan deiin Á. Omarqojaev «Báiterek» holdinginde turǵyn úi qurylysy boiynsha biryńǵai operator qurylatynyn habarlaǵan edi.
