22 tamyzda Baiqońyr ǵarysh ailaǵynan «Soiýz-2.1b» zymyran-tasyǵyshy jáne «Fregat» údetý blogynyń kómegimen 34 OneWeb ǵarysh apparaty sátti ushyryldy. Taǵy úsh kúnnen keiin, 25 tamyz kúni Baiqońyrǵa OneWeb spýtniginiń kezekti partiiasy jetkizilgen, dep habarlaidy QazAqparat.
Reseidiń ǵarysh agenttigi baspasóz qyzmetiniń habarlaýynsha, 34 ǵarysh apparatyn «Krainii» áýejaiyna An-124 ushaǵy jetkizgen. «Iýjnyi» ǵarysh ortalyǵynyń mamandary spýtnikterdi Baiqońyr ǵarysh ailaǵynyń №124 alańyna jetkizdi.
Tehnologiia sharasynyń kelesi kezeńi – tehnikalyq keshendegi apparattardy ázirleý. «Fregat» údetý blogy jáne OneWeb ǵarysh apparattarynyń jańa partiiasy bar «Soiýz-2.1b» zymyran-tasyǵyshyn № 36 missiia aiasynda ushyrý 2021 jyldyń 14 qyrkúiegine josparlanǵan. 22 tamyzdaǵy ushyrylym men alda josparlanǵan ushyrylym aralyǵy bir aptadan asady.
Búginde OneWeb spýtnikter tizbegi 288 ǵarysh apparatynan turady, taǵy júzdegen basqa apparatty ushyrý josparlanyp otyr. Aldaǵy ushyrylymnan keiin orbitadaǵy OneWeb ǵarysh apparatynyń sany 322-ge deiin jetedi. Tómen orbitadaǵy OneWeb ǵarysh apparattary jerdegi tutynýshylardy jyldamdyǵy joǵary internetpen qamtamasyz etýge arnalǵan.
