«Roskosmos» ǵarysh qyzmeti jónindegi memlekettik korporatsiiasy 1 jeltoqsanda Baiqońyr ǵarysh ailaǵynan kezekti zymyran-tasyǵyshty ushyrady, dep habarlaidy "Ult aqparat".
«Roskosmos» 2019 jyldyń basynan beri ǵaryshtyq maqsattaǵy 20 zymyrannyń jáne 12 jaýyngerlik zymyran kesheniniń ushyrylymyn jasady. Jyl sońyna deiin ǵaryshtyq maqsattaǵy – 9 ushyrylymdy jáne jaýyngerlik zymyrandardyń ushyrylymdaryn oryndaýdy kózdep otyrmyz. Sonda barlyǵy 40-tan astam (jyl boiy) bolady», - dedi «Roskosmos» basshysy Dmitrii Rogozin keshe Tsiolkovskii atyndaǵy Resei ǵarysh akademiiasynyń otyrysynda.
Resei Baiqońyr ǵarysh ailaǵynan júzege asyrǵan ushyrylymdar statistikasyna súiensek, 2019 jyly 11 zymyran ǵaryshqa attandyryldy. Olardyń tórteýi - «Proton-M», qalǵan jeteýi - «Soiýz».
Al jyl sońyna deiin Baiqońyrdan «Soiýz-2» zymyran-tasyǵyshynyń taǵy bir ushyrylymy jasalady. Ol orbitaǵa «Progress MS-13» júk kemesin shyǵarýy tiis. Start 1 jeltoqsanǵa belgilengen.
