Baiqońyr ǵarysh ailaǵynda OneWeb ǵarysh apparattarynyń jańa toptamasyn ushyrýǵa daiyndyq júrip jatyr, dep habarlaidy QazAqparat.
«Fregat» údemeli blogy jáne 36 OneWeb ǵarysh apparaty bar «Soiýz-2.1b» zymyran tasyǵyshy Baiqońyr ǵarysh ailaǵynyń «Vostok» ushyrý kesheninde 2021 jyldyń 24 jeltoqsanynda ornatylǵan.
Ushyrý kesheni júieleri qyzmetiniń basty synaqtary, zymyranǵa otyn quiý qubyrlarynyń tumshalylyǵyn tekserý sátti aiaqtaldy.
Búgin komissiia otyrysy ótip, onyń qorytyndylary boiynsha zymyran-tasyǵyshqa otyn quiý jáne belgilengen ýaqytta ushyrý sheshimi qabyldanady, dep habarlaidy Roskosmostyń baspasóz qyzmetinen.
Buryn habarlanǵandai, Baiqońyr osymen biylǵy ushyrý baǵdarlamasyn aiaqtaidy.
«Fregat» údemeli blogy jáne 36 OneWeb ǵarysh apparaty bar «Soiýz-2.1b» zymyran tasyǵyshyn ushyrý 27 jeltoqsan kúni Nur-Sultan ýaqytymen saǵat 19:10-ǵa josparlanǵan.
Baiqońyrdan 2021 jylǵy sońǵy ushyrý protsesi tikelei efirden kórsetiledi.
Kórsetilim Roskosmos saitynda Nur-Sultan ýaqytymen saǵat 18.00-de bastalady.
