Baiqońyrdyń jedel shtaby 2021 jyldyń basynan beri Baiqońyr qalasyndaǵy COVID-19 aýrýy boiynsha sanitarlyq-epidemiologiialyq jaǵdaidyń derekterin usyndy, dep habarlaidy "Ult aqparat".
Taldaýǵa sáikes, 2021 jyldyń 1 qańtarynan 25 shildesine deiin Baiqońyr qalasynyń aýmaǵynda jańa koronavirýs infektsiiasyn juqtyrǵan 527 adam anyqtaldy. 61 % - bul 2021 jyldyń qańtarynan maýsymyna deiingi kezeńdegi naýqastar, al 39 % - tek bir aida, 2021 jyldyń shildesinde tirkelgen.
Jaqynda aýrýlardyń kúrt ósýi tirkeldi. Eger 2021 jyldyń 21 shildesinde barlyǵy 1633 infektsiia oqiǵasy tirkelgen bolsa, búgingi tańda 29 shildede bul kórsetkish 1716-ǵa deiin ósti, iaǵni bir apta ishinde 83 adam aýyryp, 6 adam qaitys boldy.
Qazirgi ýaqytta infektsiialyq statsionarda 36 naýqas emdelýde. Aǵymdaǵy jyldyń shilde aiynda Baiqońyr qalasynyń aýmaǵynda COVID-19 aýrýynyń kúrt ósýiniń yqtimal sebepteriniń qatarynda jedel shtab ákelý sipatyn, jyl saiynǵy aqyly demalystardy paidalanýdyń maýsymdylyǵyn, sondai-aq azamattardyń karantin talaptaryn formaldy saqtaýyn ataidy.
Qalalyq jedel shtab hatshylyǵy osy kúrdeli epidemiologiialyq jaǵdaida baiqońyrlardy qoldanystaǵy qatań shekteý sharalaryn saqtaýǵa shaqyrdy.
Esterińizge sala keteiik, Baiqońyr qalasynyń aýmaǵynda karantin 16 tamyzǵa deiin uzartylǵan bolatyn.
