Baiqońyr mektepterinde «Qazaqstan tarihy», «Qazaq tili men ádebieti» pánderi qashan engiziledi? Májilis depýtattarynyń bul saýalyna QR Premer-Ministri Asqar Mamin jaýap berdi, dep habarlaidy "Ult aqparat".
Aita keterligi, Májilistiń bir top depýtaty Baiqońyr qalasyndaǵy mektepterge «Qazaqstan tarihy» jáne «Qazaq tili men ádebieti» pánderin mindetti oqý páni retinde engizý máselesin kótergen bolatyn.
Osy máselege qatysty Úkimet basshysynyń jaýabynda bul jaitty Resei tarapymen pysyqtaý barysynda Baiqońyr qalasynyń ákimshiligi ony «Baiqońyr» kesheni jónindegi Úkimetaralyq komissiianyń kezekti otyrysynda qaraýdy usynǵanyn aitady.
«Bul rette, Resei Federatsiiasynyń Aǵartý ministrligine Reseidiń jalpy bilim berý uiymdarynda «Qazaqstan tarihy», «Qazaq tili men ádebieti» pánderin oqytý múmkindigine qatysty resmi ustanym berý týraly suraý salý jiberildi. Osy ýaqytqa deiin Resei Federatsiiasynyń Aǵartý ministrliginen jaýap túsken joq», - dedi Premer-Ministr.
