Ál-Farabi atyndaǵy QazUÝ zań fakýltetiniń dekany, professor Dáýlet Baideldinov «Qazaqstan Respýblikasynda beibit jinalystar, mitingiler, sherýler, piketter jáne demonstratsiialar uiymdastyrý men ótkizý tártibi týraly» zań jobasyna qatysty pikir bildirdi, dep habarlaidy QazAqparat.
«Men spikerlerge aitqym keledi, sizder qazir qoldanyp júrgen bir zań arqyly sheshkińiz keletin máselelerdi sheshpeitinin jaqsy túsinesizder. Sondai-aq, men zań jobasy Parlamentke usynylǵan kezde zańgerler jan-jaqty qarastyratynyn aitqym keledi. Barlyq eskertýler joiylady, óitkeni jańa zań jobasynyń 7-baby, 20-baby jáne basqa da baptar qoldanystaǵy zańmen rettelgen», - dedi Dáýlet Baideldinov zań jobasynyń tujyrymdamasyn Almaty turǵyndarymen talqylaý kezinde.
Sondai-aq, ol zań jobasynda mitingilerden bas tartý úshin normativtik dáleldi kúsheitý kerektigin atap ótti.
«Mitingilerdi ótkizetin kezde ashyq aitý kerek: qai jerlerde ótkizýge bolady, qai jerde ruqsat bar, qai jerde ruqsat joq jáne taǵy basqalaryn. Sodan keiin, biz jalpy kelisimge kelemiz. Mitingige tek úkimetke qarsy baǵyttalǵan shara retinde qaraýǵa bolmaidy. Sondyqtan, beibit sherýler men demonstratsiialardy da qarastyraiyq», - dedi ol.
Aita keteiik, búgin Almatyda QR Aqparat jáne qoǵamdyq damý ministri Dáýren Abaevtyń azamattyq belsendilermen kezdesýi ótti. Onda beibit sherýlerdi ótkizý jáne uiymdastyrý tártibi jónindegi QR zańyn jetildirý máselesi qaraldy.
