Zańger Aijan Tashenova Baýyrjan Baibektiń ar-namysyn, abyroiyn jáne iskerlik bedelin qorǵaý jóninde J.Mamai men I.Imanbaevaǵa qarsy talap-aryzy boiynsha aýdandyq sottyń sheshimine berilgen apelliatsiialyq shaǵymǵa qarsylyq pikir engizdi. Bul týraly zańger óziniń feisbýktegi paraqshasynda jazdy.
«B.Baibektiń J.Mamai men I.Imanbaevaǵa qarsy talap-aryzy boiynsha shyǵarylǵan sot aktisi zańdy jáne tolyqtai negizdi. Al apelliatsiialyq shaǵymda keltirilgen dálelder múldem negizsiz. Atap aitqanda, appeliatsiialyq shaǵym Qazaqstan Respýblikasy Azamattyq protsestik kodeksiniń 404 jáne 427-baptarynyń talaptaryna sáikes kelmeidi, sebebi bul qujatta (qosymsha tirkep otyrmyn) is úshin mańyzy bar jáne sheshimniń kúshin joiýǵa nemese ózgertýge negiz bolatyn jańa faktiler nemese birde-bir naqty dálel keltirilmegen», - dep jazdy ol.
Zańgerdiń aitýynsha, jaýapkerlerdiń shaǵymy zańdy túrde durys rásimdelmegen. 8 betten turatyn shaǵymnyń 7,5 beti – bul tek sot sheshiminen úzindilerden turatyn faktilerdiń sipattamasy men zań normalary ǵana.
«Osyǵan deiingi búkil otyrystardaǵydai J.Mamai men I.Imanbaeva jáne olardyń jalǵyz qalǵan zańgeri birinshi sot instantsiiasynyń sheshimin eki ǵana abzatsqa syiyp ketken bos sózben jáne rastalmaǵan dáleldermen daýlamaqshy. Shaǵymnyń mazmunyna kelsek, bul jaýapkerlerdiń B.Baibekke qatysty keńinen taratqan málimetterine, tolyqtai jalǵan jáne negizsiz paiymdaryna esh dálel joq ekenin taǵy da kórsetip otyr», - delingen A.Tashenovanyń jazbasynda.
