«Nur Otan» Tóraǵasynyń Birinshi orynbasary Baýyrjan Baibek Taldyqorǵan qalasyna sapary barysynda partiianyń Almaty oblystyq filialynyń kezekten tys konferentsiiasyna qatysty. Partiia filialynyń jańa tóraǵasy retinde delegattar óńir ákimi Qanat Bozymbaevty sailady.
Partiia Tóraǵasy birinshi orynbasarynyń aitýynsha, Qanat Bozymbaev buǵan deiin Jambyl jáne Pavlodar oblystarynda partiiany tabysty basqarǵan. Filial jańa basshylyǵynyń aldynda partiianyń sailaýaldy mindettemelerin odan ári sapaly oryndaý, qoǵamdyq keńesterdiń jumysyn jandandyrý jáne halyqpen keri bailanysty nyǵaitý mindetteri tur.
«Saiasi keńestiń keńeitilgen otyrysynda Elbasy, partiia Lideri Nursultan Nazarbaev aitqandai, «Qazaqstan Táýelsizdiktiń tórtinshi onjyldyǵyna qadam basýda. Bul aýqymdy ózgeristerge, qiyn da jaýapty sheshimderge toly kezeń bolary anyq». Mundai jaǵdaida bileýshi partiia retinde «Nur Otan»-ǵa eldegi sabaqtastyq, saiasi turaqtylyq jáne odan ári damýdy qamtamasyz etetin el Prezidenti Qasym-Jomart Toqaevtyń memlekettik baǵyty tóńireginde qoǵamdy toptastyrý jónindegi erekshe mindet júktelgen», – dep atap ótti Baýyrjan Baibek.
Sondai-aq, ol konferentsiiada «Nur Otan» Saiasi keńesi Biýrosynyń sheshimimen «Belsendi qyzmeti úshin» partiialyq nagradasymen marapattalǵan filialdyń burynǵy tóraǵasy Amandyq Batalovqa atqarǵan jumysy úshin alǵys bildirdi.
Osy kúni Baýyrjan Baibek partiianyń «Ózgerister joly: Ár azamatqa laiyqty ómir!» sailaýaldy baǵdarlamasyn júzege asyrý aiasynda ashylǵan birqatar áleýmettik nysandardy aralady.
Ol oblystaǵy Oqýshylar saraiyna baryp, onda 140-tan astam balaǵa 3D jáne interaktivti modelderdi jasaý, baǵdarlamalaý, qurastyrý daǵdylaryn úirenýge múmkindik beretin jańa «FAB LAB» innovatsiialyq zerthanasynyń jumysymen tanysty.
Budan soń partiia Tóraǵasynyń birinshi orynbasary Áielder kásipkerligin damytý ortalyǵyna bardy. Onda isin jańa bastaǵan jáne jumys istep júrgen kásipker áielder jeńildikpen nesie alý, satý naryǵyn keńeitý, biznes-jobalardy iske asyrýda tájiribelik kómek alý siiaqty t.b. máseleler boiynsha keńes alýyna bolady.
«Jalpy, partiia sailaýaldy baǵdarlamasyn júzege asyrýdyń 11 aidaǵy qorytyndysy boiynsha óńirde 1 million sharshy metrge jýyq turǵyn úi, 12 mektep paidalanýǵa berilip, 538 km jol salyndy jáne jóndeldi, 27 myń turaqty jumys orny ashyldy jáne t.b. Osyndai jumystardy partiia elimizdiń barlyq óńirlerinde júrgizip jatyr», – dep jazdy ol saparynyń qorytyndysy týraly Facebook-tegi paraqshasynda.
