Nur Otan partiialyq baqylaý komiteti qurylǵaly beri «Nurly Jol», «Nurly jer», «Aýyzsý», «Nurly kósh» siiaqty áleýmettik mańyzy bar baǵdarlamalardyń iske asyrylýyn baqylap keledi. Bul týraly «Nur Otan» partiiasy tóraǵasynyń birinshi orynbasary Baýyrjan Baibek aitty, dep habarlaidy QazAqparat.
«Eki apta buryn biz sybailas jemqorlyqqa qarsy is-qimyl jónindegi respýblikalyq keńesiniń otyrysyn ótkizdik. Partiialyq baqylaý komiteti jáne sybailas jzemqorlyqqa qarsy is-qimyl jónindegi respýblikalyq qoǵamdyq keńes – ekeýi de ózekti partiialyq baqylaý organy. Búgingi kúni olardyń róli men mańyzy erekshe», - deidi Baýyrjan Baibek.
Onyń aitýynsha, tamyz aiynda partiianyń saiasi keńesiniń keńeitilgen otyrysynda QR Tuńǵysh Prezidenti – Elbasy, partiia tóraǵasy Nursultan Nazarbaev «Senim, dialog, bolashaqqa nyq qadam – Nur Otan partiiasynyń 7 serpini» atty paritiiany qaita jańǵyrtý baǵdarlamasyn jariialaǵan.
«Qaita jańǵyrtý sybailas jemqorlyqqa qarsy jumysty kúsheitý, partiialyq tártipti arttyrý, Partiia ainalasyna jastardy biriktirý jáne basqa da ózekti mindetterdi sheshýge baǵyttalǵan. Osy mindetterdi sapaly sheshý partiiamyzǵa túbegeili jańarý ǵana emes, eń bastysy – saiasi kóshbasshylyqty nyǵaitýǵa, sailaýshylardyń senimin aqtaýǵa múmkindik beredi», - deidi ol.
Onyń aitýynsha, bul máselede partiialyq baqylaý komiteti baqylaýshy organ retinde partiia tóraǵasy qoiǵan mindetterdiń oryndalýyn júieli túrde baqylaý men monitoring júrgizýdi uiymdastyrýy qajet. Komitettiń bul úshin qajetti tájiribesi men resýrstary bar.
«Barlyq óńirde partiianyń 239 aimaqtyq komissiialary jumys isteidi. Partiialyq baqylaý komitetiniń qyzmet istegen jyldary ishinde «Nurly Jol», «Nurly jer», «Aýyzsý», «Nurly kósh» siiaqty memlekettik indýstriialyq-innovatsiialyq, áleýmettik mańyzy bar baǵdarlamalardyń iske asýyn baqylaý júzege asyryldy. Barlyq óńir boiynsha áleýmettik nysandardyń qurylysy men olardyń ýaqytyly paidalanýǵa berilýine qoǵamdyq baqylaý jumystary júrgizdi», - deidi «Nur Otan» partiiasy tóraǵasynyń birinshi orynbasary.
